1. Том зургаар нь харвал АН нэгдэж С.Баярцогтыг намын дарга болгох нь Монголын хөгжилд эерэг сайн үйл явдал болно гэж огтоос харахгүй байна. Алс хэтдээ явуургүй.

2. ҮХ-д өөрчлөлт хийж шинэ тогтолцоонд орохыг дэмжиж байгаа хэдий ч хэрэгжилтийг нөгөө л 2 нам хийх учир сайн зүйл болохгүй гэж би өөрийнхөө “Алсын хараа”-гаар төсөөлж байна. Нийгмийн хөгжил урт ужиг явцтай. Улс төрийн эдгээр намуудтай явахд 2040 он гэхэд Африкийн баялагийн хараалдаа идүүлсэн улс орнууд шиг тийм улс төрийн тогтолцоо, ядуурал нөмөрсөн байна гэж харж байна. Энд би хүний тухай ярихгүй. Ямар зөв хүмүүжилтэй эх оронч хүн байгаад ч буруу суурьтай улс төрийн намуудаар ороод гарахаар хачин муухай л хүн болно.

3. Монгол улсынхаа ирээдүйн төлөө одоо байгаа улс төрийн намуудаа тарааж, намуудаа дахин шинээр байгуулж бохир заваанаа нэг сайн сэгсэрч шилгээж аваад алсын замдаа гарцгаая. Бүх намын сонгуульт гишүүд ээ Эцсийн бүлэгт бид нэг эх оронтой. Одоо байгаа намуудыг яллаж байгаа юм биш, Монголынхоо төлөө хийхээс өөр аргагүй юмаа л хийцгэе.

Нэн ялангуяа МАН намын том дарга нар аа Монгол улсынхаа ирээдүйн төлөө энэ үйл хэргийг эхлүүлцгэе. Монголын нийт ард түмэн минь ээ Их сэрэлтийн эхлэх цэг нь одоо байгаа улс төрийн намуудыг тараах л юм шүү. Хаанаас эхлэхээ, юунд гол анхаараа хандуулахаа ойлгох нь тун чухал.

4. Тарахаар нөгөө л нөхдүүд дахиад нийлчихнэ шүү дээ гэж олон хүн эргэлзэж байна лээ. Тийм зүйл огт байхгүй. Энэ том намууд дотор хэзээ ч нэг тогоонд багтахаа өнгөрсөн өөр өөр үзэл бодол, төлөвшил, ёс зүйн олонлогууд байгаа. Улс төр эрүүлжиж, чанарын өөрчлөлт л гарна. Монгол хүн та санал нийлж байвал бусаддаа хүргээрэй.

Эх сурвалж: Л.ЭРХЭМБАЯР