Төрийн үйл ажиллагаа ямар түвшинд байгааг ард иргэдийн үнэлэмжээр тогтоох боломжтой. Урьд цагуудаас ялгаатай нь 21-р зууны нийгэм иргэдийн санал сэтгэгдэл нэг дор нэг талбар дээр бүгд харж хэлэлцэх боломжтойгоор нийтлэгдэж байгаа нь давуу тал юм. Монгол ардын намын нэр хүнд, үйл ажиллагаанд нэгдсэн дүн тавих бодит шалгуур бол сонгууль. Харин сонгуульд нүүр бардам орох зангарга, нүүр тэдэнд бий юу. 2019 оны судалгаагаар л гэхэд иргэдийн 80-90 хувь нь Монгол ардын нам амласан мөрийн хөтөлбөрөө хэрэгжүүлж чадахгүй байгааг хэлжээ.

Мөн сошиал сүлжээнд иргэд эрх баригч намын хандлага дарангуйлах хэлбэртэй болсоор байгааг шүүмжилж байна. Төрийн тухай нэгдмэл ойлголтоор хуулийн хүрээнд, тогтсон хэм хэмжээг дагаж мөрдөх зарчим, албан ёсны болон уламжлалын хувьд хэвшсэн ёс, дэг жаягийг баримтална. Түүнчлэн төр нь шаардлагатай тохиолдолд хуулийн хүрээнд албадлага хэрэглэдгээр бусад институтээс ялгаатай.

Гэхдээ энэ нь төр хүссэн үедээ аливаа харилцаанд хөндлөнгөөс оролцож, албадлага хэрэглэнэ гэсэн үг биш юм. Хариуцлага хүлээх чадвар бас хамгаас чухал. Гэтэл аль болох хариуцлагаас зугтах, алдаагаа ухамсарлаж чадахгүй, нэр хүндээ алдахгүйн тул юу ч хийхээс буцахгүй болсон байдал ажиглагдсаар.

Монголд ардчилал хэрхэн бэхжиж байгааг Германы судалгааны байгууллага, монгол судлаач эрдэмчтэд хамтран дараахь дүгнэлтэд хүрчээ. 1. УИХ-аар улсын эдийн засагт хэрэгтэй том мега төслүүд ороход улс төржих хандлага давамгайлах, мухардал үүсэх 2. Төрийн албаны шинэчлэл зохих түвшинд хүрэхгүй, бодлогын судалгаагүй. 3. Парламентын засаглал, сонгуулийн тогтолцоо, нэгдмэл улс төрийн байгууламжийнхаа онцлог шинжийг улам төгөлдөржүүлэх үүднээс энэ чиглэлийн нарийвчилсан бодлогын судалгаануудыг хийж гүйцэтгэх Эдгээр гурван зөвлөмж, дүгнэлт Монголын улс төрийг эрүүлээр сэтгэж харж чадаж байгаа хүмүүсийнх. Энд намаа бус эх орноо, нийтлэг эрх ашгаа бодох шаардлага үүсээд байгааг сануулжээ.