Хүний жам ёсны эрх чөлөө гэдэг ойлголт орчин үед үг хэлэх үзэл бодлоо чөлөөтэй илэрхийлэх хамгийн чухал. Гэтэл эрх баригч намын зүгээс иргэдийн эрх чөлөөг хассан, үндсэн хуулиар олгогдсон уугуул ус агаар шиг хэрэгтэй үнэт зүйлийг хясан боогдуулж дарамт үүсгэж байна уу.

Яаралтай горимоор гэнэтхэн хэлэлцээд л боловсруулаад л баталдаг хууль ихэнхдээ иргэдийг хохироосон нийгмийн шавар балчигт живүүлэх нь зонхилдог.

Хэрэгжих эсэх хэрэгждэг үгүй нь тодорхойгүй хуулийн ойлголт, зүйл заалт ярихаас илүүтэй эрх зүйн зарчим суурь ойлголтоор хэмжих хүртэл завхарсан Монголын нийгэмд хүнийг шүүхийн шийдвэргүй, өөрийнх нь болоод хяналтын этгээдийн зөвшөөрөлгүй нэр хүндэд нь халдах, баривчлах, түүгээр дамжуулж нийгэмд сүрдүүлэг, айдас нөмрүүлэх мэтийн ажиллагаа сүүлдээ хэрээс хэтэрлээ.

Даргыг хамгаалах хуулийг яаралтай горимоор хэлэлцэж, даржин цэвдэг гэрт зуу зуун хүүхэд өлсөж, даарч байхад тэднийг ядуу зүдүүгээр, мөнгө авдаг үгүйгээр нь зааглан тэдний нийгмийн байр суурь, нэр хүндийг юман чинээнд тоохгүй төр засагтай болсондоо сая сая монголчууд харамсан халаглаж байна.

Цахим хөгжлийн дэд сайд Ж.Эрхэмбаатар УИХ-д өргөн баригдсан “Олон нийтийн сүлжээнд хүний эрхийг хамгаалах тухай” хуулиас тус хуулийн 6.3-д тусгагдсан “нийтийн албан тушаалтан хүний хувийн мэдээллийг олон нийтийн сүлжээнд зөвшөөрөлгүйгээр нийтлэх, түгээхийг хориглох” тухай заалт хуулийн төслийн хэлэлцүүлгийн шатанд хасагдсан гэсэн мэдээлэл гарсан ч хуулийн агуулга зорилго үзэл баримтлал нь хэвээрээ үйлчлэх учраас үүдэн гарах үйлчлэлээс аваад “зөрчлийн тухай хууль” шиг иргэдийн амьдрал, сэтгэл зүйд дарамт үүсгэхгүй байх, хүний эрхийг зөрчихгүй гэсэн баталгаа байна уу?