Сүүлийн 30 гаруй жилд байгаагүй дарангуйлал ханхалсан энэ мэт төр засгийн шийдвэр ард түмний дургүйцэлд хүчтэй нөлөөлж байна. Улс төрийн нөхцөл байдал, сонгуулийн өмнөх галзуурал хэдий байсаар ч хүүхдүүдүийг нийгмийн гарал, эцэг эхийнх нь ажил хөдөлмөр, олдог орлогоор нь тэгш бус байдал үүсгэж төр хүчээр хүүхдийн мөнгө авдаг авдаггүй хэмээн ангилах хэлбэрт шилжиж байгаа нь Монголчуудын 90 хувийг доромжилсон ирээдүйгээ баллаж буй хэмээж болмоор байна.

Үг хэл үзэл бодлоо чөлөөтэй илэрхийлэх, хэвлэл, мэдээллийн хэрэгсэл, сошиал сүлжээнд санал сэтгэгдэл шүүмжлэл өрнүүлэх нь иргэдийн суурь эрх чөлөө гэдгийг мэдсэн ч албаар нэгдүгээрт эрх баригчдын эсрэг дугарах хүнгүйдүүлэн нийгмийг айдаст автуулах хоёрдугаарт дураараа дургиж хаданд гарсан авлигалчдын гэмт хэргийн дуулианыг намжаах ард түмний ходоодтой нь тулж ажиллах ядуурал ажилгүйдэл үнийн хөөргөдлийг шархыг улам сэдрээх гэх мэтийн хэтэрхий явцуу үйл ажиллагаа явуулж эхэлсэн төрийн тодорхой хэсгүүд улс төрчдыг хайр найргүй шүүмжлэн эсэргүүцэх давлагаа намжихгүй нь мэдээж.

Хүн төрөлхтөн нэгнээ ялгаж анги давхрагад хуваах тэр ч бүү хэл ирээдүй хойч үр хүүхдээ ийм муухай бүдүүлэг хандлага гаргах ёсыг аль эрт ор тас мартаад хүнлэг энэрэнгүй үзэл сурталд дагаж багагүй хугацааг өнгөрүүлэн боловсронгуй тогтолцоог улам хөгжүүлж байхад монгол улс популист хорт хавдар туссан гэмээр хачин жигтэй байдалд хүрлээ.