Нүүрсний хилийн үнэ 8 доллараар нэмэгдлээ. Улсын төсөвт тодорхой үр ашигтай байх ч чухам ард түмний амьдралд ямар нэмэр түлхэц дэмжлэг болж чадахыг тодорхойлох боломжгүй байна. Учир нь хэдэн их наядаар нь хулгайлдаг авлигалчид “төрд ноёрхож” байгааг ард түмэн мэдсээр байхад эдийн засгийн өсөлт, газрын баялаг, түүхийн эдийн үр ашиг хаашаа яаж замхарч алга болохыг таамаглах аргагүй.

Мөн сангийн яам саяхан “экспортын хэмжээ 12 тэрбумд хүрлээ...” хэмээн зарлав. Гэтэл энэ хэрэг дээрээ ямар үзүүлэлт болохыг сошиал хуудсанаа иргэний бичсэн сэтгэгдэлд

“Экспортын хэмжээ 12.5 тэрбум доллар болж түүхэнд байгаагүй өссөн гэсэн худлаа тоо гаргаж хэрэггүй л дээ. Үүний 51.8 хувийг нь эзэлж байгаа нүүрсний экспортын 6 тэрбум доллар нь сангийн яам татварыг хилийн үнээр авах зорилгоор дундаж үнийг бараг 200 доллараар тооцсон дүн.

Яг бодитоор гэрээнүүд 100 гаруй доллараар хийгдэж нүүрсний экспорт 3 тэрбум доллар л давсан. Хятадын худалдааны компаниуд амны үнээр шахаж хямд аваад тээврийн тарифыг үндэслэлгүй хөөрөгдөж өөрсдөө тээврээ хийгээд ашгаа гаргаад авчихдаг.

Тэгэхээр нийт экспорт 10 тэрбум доллар хүрэхгүй. Гадаад худалдааны ашиг ч 1 тэрбум орчим гарна. Гадаад худалдааны ашиг рекорд 3.8 тэрбум байхад яагаад төгрөг 20% унав гэдэг асуултын хариу ойлгомжтой. Амны үнэ, бартерын мөнгө ордоггүй худалдаа. Төлбөрийн тэнцэл эхний 10 сарын байдлаар 1.36 тэрбум доллар алдагдалтай гарсан...

”Ийм энгийн ойлголтоор иргэдээ хуурахыг оролдож байгаа төрийн яамдын байр суурь эдийн засгийн бодит нөхцөлд ихээхэн хортой хэвээр байна. Хандлагаа өөрчилж худлаа хэлэхээ, хулгай хийхээ болих цагт үр өгөөжийг ярьсан яриагүй хүртэж, хүртээж болох.