Японы нийслэл Токио хотод мэргэжлийн сумо бөхийн 69 дэх их аварга Хакухо М. Даваажаргалын зодог тайлах ёслол боллоо. Энэ ёслолд Намбарын Энхбаяр, Миеэгомбын Энхболд, Сү.Батболд нар оролцжээ. Улс төрд учраа олсон эдгээр хууччуулын Япон дахь давхцал улс төрийн дараагийн нүүдлүүдийг зурахад нөлөөлөх болов уу. Улс төр тохироогүйгээр нүүдэл хийдэггүй ёсоор МАН, МАХН-ын хуучин удирдагчид намынхаа зорилго чиглэл, монгол дахь улс төрийн ашиг сонирхолоо ярилцаж, тохироо хийсэн гэдгээ батлав уу? аль эсвэл арлын улсад аливаа асуудлуудаа нэг мөр хэлэлцэв үү.

Ямартай ч тэдний дараагийн нүүдэл монголын улс төрд тодорхой нөлөөгөө үзүүлэх болов уу. Төрийн гурван өндөрлөгт ээлж ээлжээр алба хашиж явсан ч тэдний үед авлига цэцэглэж, улс төр булингартан, өөрсдийгөө тахин шүтүүлэх, иргэдийн жам ёсны эрх чөлөө бага багаар эвдэгдэх нөхцөл бүрдсэнийг он цаг хэлээд өгдөг.

Ер нь Н.Энхбаяраас, Ми.Энхболд, Сү.Батболд хүртэл МАН-ын нэн шинэ түүхийн гурван мөчлөг яригдана. Гэхдээ яг өнөөгийн нөхцөлд У.Хүрэлсүх, Л.Оюунэрдэнэ, Д.Амарбаясгалан тэргүүтэй МАН-ын шинэ залуус төрийн сэнтийг эзэгнэн намаа ч даргалж буй. Ийм үед улс төрийн дүр зураг хууччуулаас, дунд, шинэ үеийнхэнд чиглэсэн ямар хандлага барихаас шалтгаалах, эрх ашгийн эрэмбэ ч тодорхойлогдох болов уу?.