УИХ-ын гишүүд тойрогтоо жирийлгэн оймс, боорцог тараах богширсон зүдэг уламжлал хоёрдугаар сартай золгосон эдгээр өдрүүдэд үргэлжилсээр. Гэтэл тэдний нэр холбогдсон эдийн засгийн тодотголтой эрүүгийн заалттай хэрэгүүд хэрхэн яаж шийдэгдэх нь тодорхойгүй. Эрх мэдлийн асар том сүлжээ монголын төрийг хулгайн тороор боомилж, УИХ-ын гишүүд хулгай хийхээс өөр замгүй болгодог бохир тогтолцоог бий болгожээ. Шударга байх нь их өвтгөдөг гэдэг гажиг ойлголт төрийн хэмжээнд удсаар. Шүүхийн тогтолцоо авлигын чөдөр, хазаар бус өндөрлөгт заларах ташуур, шат болов. Авлигатай Тэмцэх Газар төчнөөн тэрбумын хэрэг илрүүлж шүүхэд шилжүүллээ гэх ч өнөөх нь хэтрээд л дээд шүүхээс буцаж прокурорт очоод цагааддаг дэндүү шударга бус байдал хэвээр.

УИХ өөрөө үлгэр жишээ шударга үнэний манлайлал үзүүлж чадахгүй гэдэг нь эрхэм гишүүдийн үйлдлүүдээр холбогдсон гэм хэрэг нь харуулдаг. Хулгайн хэрэг нь нэгэнт илэрч хуулиар цаламдуулах нь ойртоод ирэхээр бүрэн эрхээсээ татгалзан шалтаг тоочин зугтаж алга болдог, эх орноо үл тоож, гадаадаас элдэв улс төрийн мэдэгдэл хийж ард түмнээ доромжилдог... гэх мэтийн дэндүү гэмээр шударга бус байдал нүүрлэсэн.

УИХ-ын гишүүдийн 50 хувь нь хулгайч... гэх ойлголт гарсаар хоёр гурван жил болсон ч үүнийг үгүйсгэх хэн ч гарч ирээгүй нь үнэний нотолгоо мэт.

60 тэрбумын, Хөгжлийн банкны, ЖДҮ-ийн, нүүрсний гэх мэт эрх баригчдын өөрсдийн хүзүүгээр нь оосорлох шахаад байгаа хулгайн гэм хэрэг яаж шийдэгдэх вэ? Ерөнхий сайд аа, Ерөнхийлөгчөө, УИХ-ын даргаа