Ковид-19 цар тахлын нөхцөл байдал болон иргэдийн харилцан зорчих хөдөлгөөнийг хөнгөвчлөх хэрэгцээ шаардлагад нийцүүлэн 2023 оны гуравдугаар сарын 15-ны өдрөөс (орон нутгийн цагаар) эхлэн, Монгол Улсаас БНХАУ руу шууд нислэгээр зорчих иргэдийг нуклейн хүчлийн/PCR/ шинжилгээг эсрэгтөрөгчийн шинжилгээгээр (хамрын салст болон шүлсний түргэвчилсэн тест багтана) орлуулахыг зөвшөөрчээ.

Зорчигчдын явахын өмнөх бэлтгэл ажлыг хөнгөвчлөх үүднээс БНХАУ-аас Монгол Улсад суугаа Элчин сайдын яам "Монгол Улсаас БНХАУ руу зорчих иргэдийн халдварт өвчнөөс урьдчилан сэргийлэн хянах заавар"-ыг шинэчилсэн байна.

Монгол Улсаас БНХАУ руу зорчих иргэдийн халдварт өвчнөөс урьдчилан сэргийлэн хянах заавар:

1. Зайнаас илрүүлэх:

БНХАУ руу зорчих иргэд онгоцонд суухаас өмнө 48 цагийн дотор нуклейн хүчлийн шинжилгээ эсвэл өөрөө түргэвчилсэн тест хийж, сөрөг хариу гарсан тохиолдолд БНХАУ руу зорчих боломжтой. Эерэг хариу гарсан тохиолдолд сөрөг хариу гарсны дараа зорчино уу.

2. Гаалийн мэдүүлэг:

Нуклейн хүчлийн шинжилгээ эсвэл эсрэгтөрөгчийн шинжилгээ (түргэвчилсэн тест)-ний хариу сөрөг гарсны дараа WeChat мини-программ “Гаалийн зорчигчдын үйлчилгээ”, гаалийн мэдүүлэг аппликэйшн эсвэл вэб сайт ашиглан (https://htdecl.chinaport.gov.cn) "БНХАУ-ын орох/гарах эрүүл мэндийн мэдүүлгийн карт"-ыг бөглөж мэдүүлгээ өгнө үү.

3. Онгоцон дахь халдварт өвчнөөс урьдчилан сэргийлэх журам:

Онгоцонд суухдаа амны хаалт зүүж, халдвар авах эрсдэлийг бууруулахын тулд хувийн халдвар хамгааллын дэглэмийг сайтар баримтална уу.

4. Хилээр орох хорио цээрийн дэглэм:

Боомтод ирсний дараа гаалийн эрүүл мэндийн мэдүүлгийн кодоор шаардлагатай шалгалтыг гүйцэтгэнэ. Гаалийн байгууллага сонголтоор эрүүл мэндийн үзлэг шалгалт хийж, эрүүл мэндийн мэдүүлэг нь хэвийн бус, халуурах зэрэг шинж тэмдэг илэрсэн хүмүүсээс шинжилгээ авна.

Шинжилгээний хариу эерэг гарсан хүмүүсийг гэртээ болон өөрийн оршин суугаа газарт тусгаарлах эсвэл эмнэлэгт хандахыг зөвлөнө. Хэрэв сөрөг хариу гарвал гаалийн байгууллага “Хилийн эрүүл мэнд, хорио цээрийн тухай хууль” болон бусад журмын дагуу хорио цээрийн дэглэм үргэлжлүүлнэ. Эрүүл мэндийн мэдүүлэг нь хэвийн, боомтод тогтоосон хорио цээрийн дэглэмийн зөрчилгүй зорчигч нийгмийн бүсэд нэвтэрч болно.

5. Орон нутгийн халдварт өвчнөөс урьдчилан сэргийлэх журам:

Зорчигчид хилээр нэвтэрсний дараа орон нутгийн халдварт өвчнөөс урьдчилан сэргийлэх, хяналт тавих журмыг чандлан мөрдөх шаардлагатай.

http://mn.china-embassy.gov.cn/.../t20230313_11039495.htm

БНХАУ руу зорчих визийн тухай:

БНХАУ-ын Элчин сайдын яамнаас утсаар тодруулснаар Монгол Улсын иргэд БНХАУ руу 30 хоногийн хугацаанд визгүй нэвтрэх боломжтой бөгөөд буцах тийзээ заавал авсан байх шаардлагатай.

Зарим гадаад улсууд БНХАУ-аар нэвтэрсэн болон дамжин өнгөрсөн иргэдэд тусгайлсан хилийн шаардлага тавьж байгаа учир зорчигч та тийз худалдан авсан газраасаа болон тухайн улсын албан ёсны сайтуудаас мэдээллийг авч олон улсын аяллын замд гарахын өмнө паспорт, виз, тарилгын бичиг зэрэг баримт бичгээ бүрэн эсэхийг шалгаж байхыг зөвлөлөө.