Шагнал муухай пий паа гээд бгаа нөхөд бодож үзээрэй. Энэ чинь идеологи мидеологиос үл хамааран аль ч улсад байдаг зүйл шүү. Ялангуяа цэргийн соёлд энэ шагнал гэдэг зүйл маш чухал байр суурьтай. Гавьяа байгуулсан, үүргээ сайн гүйцэтгэж байгаа цэргийн анги нэгтгэлийг шагнах ёстой. Цэрэг офицерүүдийг шагнах хэрэгтэй. Энэ чинь улс байхын анхдагч нөхцөл юм шүү. Цэрэг, цагдаагүй бол улс оршихгүй. Цэргээ шагнадаг урамшуулдаг учиртай юмаа хө.

Ардчилсан улсад ийм юм зохихгүй гэж хэлэх гэж байвал гэнэхэн андуурал гэж хэлье. Ардчилсан улс тусмаа шагнал их өгдөг юм билээ шүү. Америк байна. Тэр чигээрээ нуль шагнал, ёслолын ажилгаа... Шагнал муухай пий паа гэхийн оронд харин түүнийг яаж боловсронгуй болгох вэ, утга учрыг нь яаж гүнзгийрүүлэх вэ гээд бодоод үзээрэй. Далай гаталж гахай шувууны мах идэж ирлээ гээд наад захын юмны учрыг ухаж ойлгох чадваргүй бол юуны хэрэг байх билээ.

Харийн юм бүхнийг шүтдэг нөхдүүд цөөн биш байна. Стандарт мэдлэг цээжилж ирснээ юм мэдчихлээ гэж залуус маань андуураад байх юм. Эх орноо яаж өөд нь татах вэ гэдэгт хариулах тэр л мэдлэг чинь жинхэнэ мэдлэг шүү... Юм бүхэн болохгүй байгааг бүгдээрээ л мэдэж бна. 30 жил ардчилалыг буруу ойлгож, түүгээрээ ард түмнийг хошгоруулж ирсэн манай ардчиллын алтан хараацай нар өнөөдөр үнэхээр өрөвдөлтэй дүрийг олж..

Нийтлэлч: Ц.Буянцогтоо