Хуулийн байгууллагаас аялагч Амай буюу Ж.Золбаярыг хар тамхи хэрэглэсэн хэргээр шалгаж буй. Энэ хэрэгтэй холбоотойгоор түүнийг амиа хорлосон гэх мэдээлэл олон нийтийн цахим сүлжээнд цацагдсан. Тэгвэл Цагдаагийн байгууллагаас аялагч Амайг олж ар гэрт нь хүлээлгэж өгсөн мэдээлэл байна. Цагдаагийн байгууллагад гуравдугаар сарын 24-ний өдөр ЧД-ийн Нисдэг машин-ы урд байрлах байранд иргэн хар тамхи хэрэглээд байна гэх дуудлага мэдээлэл бүртгэгдсэн байна.

Дуудлага мэдээллийн дагуу цагдаагийн байгууллагаас шалгалтын ажиллагаа явуулахад ЧД-ийн 5 дугаар хороонд оршин суух хаягтай иргэн З нь сэтгэцэд нөлөөт бодис болох өвч /мариухан/-ийг хууль бусаар олж аван, хадгалж байсныг илрүүлсэн.

\Мөн тухайн иргэний биологийн дээжид тавьсан сорилоор дээрх мансууруулах төрлийн бодисыг хэрэглэсэн нь урьдчилсан байдлаар тогтоогдсон тул нарийвчилсан шинжилгээ хийлгэхээр шинжээч томилуулан, холбогдох мөрдөн шалгах ажиллагааг явуулж байгаа.