Сүүлийн өдрүүдэд "Хөтөлийн цемент шохой" үйлдвэрийн гүйцэтгэх захирал Л.Наранбаатарын асуудал ар, араасаа хөвөрч олны дургүйцлийг хүргэсээр байна. Засгийн газрын өнөөдрийн хуралдаан болж, хуралдаанаас гарсан шийдвэрийг танилцуулах үеэр Төрийн өмчийн бодлого зохицуулалтын газрын дарга Б.Цэнгэл "Хөтөл цемент шохой" үйлдвэрийн гүйцэтгэх захирал Л.Наранбаатарыг ажлаас халагдах үндэслэлээ бүрэн хангасан болохыг хэллээ.

Тэрбээр, Л.Наранбаатар захирал ажлаа сошиалаар л хийдэг. Тус компанийн ажилчдын өгч байгаа мэдээлэл, Л.Наранбаатарын өгсөн мэдээлэл хоорондоо маш зөрүүтэй байгаа. Иймд үйлдвэрийн үйл ажиллагаа хэвийн үргэлжилж байгаа эсэхийг шалгахаар болсон. Түүнчлэн Үндэсний Аудитын сөрөг дүгнэлт гарсан гэдэг нь энэ хүнийг ажлаас чөлөөлөх бүрэн үндэслэл болж байгаа юм.

Үүний дараах үндэслэл нь Л.Наранбаатар гэдэг хүн архи уухаараа олон хоног алга болдог. Гэтэл "Хөтөл цемент шохой" үйлдвэр дээр тасралтгүй үйл ажиллагаа явагдаж байх ёстой. Тус объект дээр тухайн мист дээр байнга ажилладаг гүйцэтгэх захирал хэрэгтэй. Гэтэл архи дарс уухаараа хэдэн хоног алга болчихдог ийм удирдлага надад хэрэггүй. Би ч Л.Наранбаатарт нөхөрсгөөр хэлж байсан. Засаг чаддаг хүнээ тавина шүү гэдгийг ч хатуу сануулсан гэлээ.