Авлига, албан тушаалын хэрэгт холбогдоод, гадаад улсад очсон, хуулийн байгууллагын дуудсан цагт ирэхгүй байгаа итгэдийг эх оронд нь авчран шалгахаар Засгийн газар “Шувуу” ажиллагааг эхлүүлсэн. Уг ажиллагааны эхлэл болгож, УИХ-ын гишүүн асан Т.Бадамжунайг албадан авчраад буй.

Тэгвэл уг ажиллагааг идэвхижүүлэхийн тулд Засгийн газар олон нийтээс дэмжлэг хүслээ. Ингэхдээ “гэмт хэрэгт холбогдоод гадаад улсад оргон зайлсан этгээдүүдийн талаарх баттай мэдээллийг 11-11 утсанд мэдээлэх, уг мэдээлэл нь хуулийн байгууллагын шалгалтаар батлагдсан бол “мэдээлэл ирүүлэгч” иргэнийг 10 мянган доллараар урамшуулах аж.

Шувуу ажиллагааны хүрээнд өнөөдрийн байдлаар иргэн Төгсбаяр Унгар улсаас, иргэн Болортуяа БНСУ-аас өөрөө ирж, хэргээ шалгуулж эхлээд байгаа аж. Тэдэнд хилийн хориг тавих таслан сэргийлэх арга хэмжээ авсан байна.