Өнөөдөр ардчилсан хувьсгалын удирдагч, МоАХ-ы анхны дарга, УИХ-ын гишүүн, Дэд Бүтцийн Хөгжлийн Сайд асан Санжаасүрэнгийн Зоригийн төрсөн өдөр тохиож байна. Өчигдөр түүнийг хөнөөсөн болох нь гурван шатны шүүхээр тогтоогдсон Ц.Амгаланбаатар, Б.Содномдаржаа, Т.Чимгээ нарыг яллагдагчаар татсан шийдвэрийг прокурорын байгууллага хүчингүй болгосон юм.

Тэгвэл С.Зоригийг хөнөөсөн, С.Зоригийн хөнөөсөн хэргийн захиалагч, Б.Булганы нууц амраг байсан гэж хэвлэлээр бичигдэж байсан Монгол Улсын Баатар Э.Бат-Үүл өөрийн цахим хуудастаа: "С.Зоригийг бүрэлгэсэн хэрэгт,намайг санаатайгаар гүтгэн холбогдуулсан олон жилийн бузар улстөрөөс,өөрт учирсан хохиролоо 25 тэрбумаар үнэлж хуулийн дагуу нэхэмжлэнэ! Би ингэх эрхтэй!!!

Би тултал нь явж заргалдаж байгаад МАН-аас хохирлоо гаргуулна. Тэгээд,тэр мөнгөнийхөө нэг хэсгээр нь Ардчилсан Намын дэргэд баруун төвийн улстөрчдийг бэлтгэдэг, Зоригийн нэрэмжит Академи байгуулах олон жилийн мөрөөдлөө хэрэгжүүлнэ!

Зоригийг хөнөөсөн алуурчдыг олохоос илүүтэй,түүний амь насны хэргээр улстөр тоглосон Нямдорж тэргүүтэй МАН-ын новшийн бузар явдлыг хараад нөхрийнхөө өмнөөс 25 жил гол харлаж харуусч явсан юм.Боловсрол хомс нийгэм ямар амархан тархиа угаалгаж явдгийг хараад гол харлаж харуусч явсан юм.Тэгээд,өнгөрсөн хойноо ч "зовж дуусаагүй" Зоригтоо зориулан Академи босгохоор мөрөөддөг болсон билээ!Тэр Академи босох өдөр ирнэ ээ!

Өнөөдөр Зоригийн төрсөн өдөр өө!" гэж бичжээ.