УИХ-ын чуулганы нэгдсэн хуралдаанаар Аялал жуулчлалын тухай хуулийн шинэчилсэн найруулгын төслийг хэлэлцсэн. Зарчмын зөрүүтэй олон санал байгаа учир нэг хоногийн хугацаатай засварлага өгсөн юм.

Үргэлжлүүлэн "Төмөр замын тээврийн тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүдийн анхны хэлэлцүүлэг"-ийг хийсэн. Энэ үеэр УИХ-ын дарга Г.Занданшатар "Манай улс ч бас өөдрөг шүү. Далайд гарцгүй хэрнээ далайн тээвэр хариуцсан гурван даргатай" гэж хошигнолоо.