Нэг нам Үндсэн хуулийн болон бусад хууль тогтоомжид дураараа өөрчлөлт оруулж, сэлгэж байгаа аятай “Сонгуулийн тухай хууль”, “Улс төрийн намын тухай хууль”-иудыг ээлжилж мордон талхих бололтой. Эцсийн зорилго нь үнэмлэхүй парламентад эзэгнэх. Хариуцлагыг мартагнуулах эрх баригчдын дэндүү дураараа авирлалт, дарангуйлагч хандлагыг тулган хүлээлгэх байдал сүүлийн үед олон нийтийн төдийгүй дэлхий дахины анхаарал, болгоомжлолд оруулах болно. Тухайлбал https://www.eastasiaforum.org/ сайтад бичсэнээр 2 удаа дараалан хэт олонхоор засаглаж байгаа МАН-ын үйл ажиллагаа цаашдаа Монголын улс төрийг дарангуйлал руу чирэх вий гэх айдас хаа хаанаа өндөр байгааг онцолжээ.

Julian Dierkes, UBC: “...Монголд нэг нам хэт олонх төрийн эрх барихад ямар хүндрэлтэй байгаа нь нээлттэй асуулт мэт. 2020, 2021 оны УИХ-ын сонгуульд МАН ялалт байгуулсан нь ардчиллаас ухрах вий гэсэн болгоомжлолыг төрүүлэв.

МАН нэг намын засаглалдаа эргэн орж, Монголын ардчилалд заналхийлэх болов уу гэсэн асуултууд байсан ч 2022 онд өрнөж буй үйл явдлуудаас харахад эрх баригчид супер олонх болохоор санаанд оромгүй өрсөлдөөнтэй байна.

Нэгэн цагт МАН-ыг хүчирхэг хүчин болгож байсан намын сахилга бат нь замхарч, УИХ-ын гишүүд төслүүдийг УИХ-аар батлуулахын тулд үндсэндээ түр эвсэх хандлагатай болсон бололтой...” Гэжээ. Өөрөөр хэлбэл дахин хэт олонх болох улс төрийн үйл ажиллагаагаа түмэн олны амьжиргаа, нийгмийн асуудлаас тэргүүнд тавьж ажиллах хандлагатай болсон нь гаднын ажиглагч нарт ч анзаарагдаад эхэлжээ.