Шүүхийн ерөнхий зөвлөл Ерөнхий сайдыг шүүх байгууллага шударга ажиллах, хэргийн шийдвэрлэлтэд шуурхайлах гэх мэтийн зүйд нийцэнгүй шаардлага, мэдэгдэл гаргасных нь төлөө огцруулах санал гаргав уу. Ямар ч байсан Ерөнхий сайд Л. Оюун-Эрдэнэ 2022 оны 12 сард жагсагчидтай уулзах, МҮОНРТ-ээр ярихдаа Засгийн газар шүүх байгууллагыг шударга, шуурхай ажиллах, шүүхийн хууль бус томилгооны талаар ярьсных нь төлөө шүүхийн хараат бус байдалд нөлөөлөх оролдлого хэмээн үзэж огцруулах санал гаргахаар хуралдсан ч уг асуудал Шүүхийн ерөнхий зөвлөлийн дарга Р.Онончимэг “Бид ингэж улстөржиж болохгүй. Би эсрэг байр суурьтай байна. Авлигатай тэмцэж байгаа субъекттэй тэмцэж болохгүй.

Энэ явсаар шүүх засаглал маань шударга ёсны тэмцлийг эсэргүүцсэн явдал болно. Харин бид шүүх, шүүгчдийнхээ нэр хүндийг дээшлүүлж, иргэдийн итгэлийг сэргээхийн тулд салбар руугаа хандаж, тэдэнтэйгээ ажиллах талаар арга хэмжээ авах ёстой. Тиймээс би энэ тогтоолыг баталгаажуулж чадахгүй. Шүүхийн ерөнхий зөвлөл ийм үйл ажиллагаа явуулж болохгүй” гэснээр хэлэлцэлгүй таржээ. Хэвлэлүүдийн бичиж буйгаар Ерөнхий сайдыг огцруулах асуудлыг дэмжиж байгаа гэх ШЕЗ-ийн гишүүн Д.Зүмпэрэллхам нь 2021 оны арван хоёрдугаар сарын 9-ний өдрөөс Шүүхийн ерөнхий зөвлөлийн даргаар сонгогдон ажиллаж байгаад 2022 оны 12 сарын 22-ны өдөр Ерөнхий сайдыг огцруулахыг дэмжээгүй одоогийн ШЕЗ-ийн дарга Р.Одончимэгт үүрэгт ажлаа хүлээлгэн өгч ШЕЗ-ийн даргаас гишүүн болжээ.

Ерөнхийлөгчийн томилдог гэх ШЕЗ-ийн гишүүдийн олонх нь Ерөнхий сайдыг огцруулахаар хэлэлцсэн нь улс төрийн агуулгаараа төрийн гурван өндөрлөг ойлголцол, нэгдэлд хүрч ажиллаж чадахгүй байна уу гэх хардлагыг олон нийтэд төрүүлээд байна уу гэж хэвлэлүүд өчигдөр бичлээ. Бүр зарим нь “Ерөнхийлөгчийн томилсон ШЕЗ-ийн гишүүд Ерөнхий сайдыг огцруулна...” Гэх.

Гэвч Шүүхийн Ерөнхийл зөвлөлийн 2023 оны 5 сарын 1-ны 17 цагийн орчимд албан ёсны сайтдаа нийтэлсэн мэдэгдлээр “Тодорхой хуулиудын зүйл заалтуудаар Ерөнхий сайдыг огцруулах саналыг УДШ-д гаргаж УДШ Үндсэн хуулийн цэцэд хандан шийдвэрлүүлэх ч асуудлыг нээлттэй хэлэлцсэн ШЕЗ Ерөнхий сайдыг огцруулах асуудлаар, хэлэлцэх, санал хураах, шийдвэр гаргах боломжгүй гэж үзжээ. Шууд хэн нэг төрийн өндөр албан тушаалтан ШЕЗ-д үүрэг даалгавар өгөөд хэн нэгнийг огцруулчих хэмжээний улс төрийн ил үймээн ажиглагдсангүй ч ШЕЗ-ийн дарга Р.Онончимэгийн үг ихээхэн анхаарал татна.

“Авлигатай тэмцэж байгаа субъекттэй тэмцэж болохгүй. Энэ явсаар шүүх засаглал маань шударга ёсны тэмцлийг эсэргүүцсэн явдал болно. Харин бид шүүх, шүүгчдийнхээ нэр хүндийг дээшлүүлж, иргэдийн итгэлийг сэргээхийн тулд салбар руугаа хандаж, тэдэнтэйгээ ажиллах талаар арга хэмжээ авах ёстой” Үнэхээр шүүх шударга бус ажиллаж байгааг ард түмэн захаасаа хэлэх.

Ерөнхий сайд Л.Оюун-Эрдэнийн сүүлийн үед явуулж байгаа үйл ажиллагаа зарим талаараа алдаа дутагдалтай ч сүүлийн 30 гаруй жилд үзэгдээгүй авлигалын үүр уурхайг хөндсөн хэд хэдэн сэжүүр дэлгэж эл асуудал шүүхийн шатанд удаж байна. Авлигалчидтай нягт уялдаатай олигархи бүлэглэлийн эсрэг тууштай, зоримог алхам дутагдаж байгаа ч олсны үзүүрийг тавьчих л юм бол Монгол улс дампуурлын замдаа шулуудчих учир Ерөнхий сайдын эсрэг хар мэдээнд хэчнээн өртөг зардал гаргалаа ч шүүхийн байгууллагыг хурууны үзүүрээр хөдөлгөх хэмжээнд тэнхээтэй авлигалчдын эсрэг үнэнч шударгаар ажиллаж алдахаа алдаж онохоо онож үлдэх шударга төрийн түшмэдүүд олон бий.