Нэг намд төвлөрөх хэт эрх мэдэл нь төрийн институт хоорондын улс төрийн зөрчлийг нэмдэгчлэн сүүлийн үед Засгийн газрын үйл ажиллагаа хүчгүйдэх үед Ерөнхий сайд “ард түмэндээ хандана...” гэсэн даруй “ажлаа хий” гэх мэтийн нэртэй жагсаал болдог. Харин зарим үед Засгийн газрын үйл ажиллагааг хэтэрхий муу харагдуулах, албаар хорлох улс төрийн технологи хэрэгжин гишүүд сайд нар албаар ундуй сундуй, унтаа маанаг байдал гаргадаг уу гэх хардаж болохоор. Өөрөөр хэлбэл сонгуулийн үед хэрэглэгддэг өрсөлдөгчөө харлуулах улс төрийн арга өнөө төрд ноёлогч хэсгийнхэн нэгнээ гутаах харлуулахад шууд хүчлэн хэрэглэдэг эсэхийг улс төр нийгэм судлаачид тандан судалж тогтоож яагаад болохгүй гэж.

Хэдий алдаатай ч авлигачдын уг үндсийг хөндөж чадсан энэ удаагийн засгийн газрын үйл ажиллагаа бодитой үр дүнгээ үзүүлж эхэлсэн нь түүхэнд бичигдэх бололтой. Харин барьцаа лавшруулж, хямралын үрийг хагацааж, хөгжлийн гарцыг шулуухан нээж чадвал эрин цагтаа бүү хэл ирээдүйд сайнаар дурсагдан үлдэх нь дамжиггүй.

Яг ийм эгзэгтэй үед Монголын тусгаар тогтнол хамгийн эмзэг, анхаарууштай асуудал мөн. Ялангуяа далимдуулан гаднын далд сөрөг бодлого хэрэгжихгүй гэх баталгаа байхгүй. Аль нэг сайд яамныхаа асуудлаар хэтэрхий гэнэн тэнэгдүү мэдэгдэл, гэмээр “улны иргэд, сард хүнсэндээ хэдэн төгрөг зарцуулдгаа мэдэхгүй байна...” гэхчлэн өгүүлбэр амнаасаа унагах нь болчимгүй, боольхой бус ямар нэг улс төрийн захиалга гүйцэтгэж байгаа хэлбэр болов уу ч гэж цөхрөхдөө бодмоор.

Жишээ дурдахад Соёлын сайд сарын хүнсний хэрэглээний төсвөө мэдэхгүй гэсний араас нөхөр нь “Энэ хүн гэрээсээ хөөгдөх шахаж байгаа...” гэсэн эхлэлтэй пост оруулжээ. Энэ бол сошиалд ямар нэг сэдэв рүү хошуурч, нийгмээрээ хий цэцэрхэхдээ гаргууд Монголчуудыг албаар сэтгэхүйд нь суулгаж байгаа улс төрийн далд ухуулгын шинжтэй үйлдэл гэж үзэхээр.