УИХ-ын гишүүн Ж.Батсуурь сэтгүүлчдийн асуултанд хариуллаа. Тодруулбал тэрээр: "Монголын нийт сонгогчдын 40 гаруй хувийн санал авсан нам өнөөдөр Монголын төрийг 100 хувь барьж байна. Үүнээс гарах эрхзүйн систем бол хувь тэнцүүлсэн пропорциональ систем л дээ. Тийм учраас АН энэ системийг дэмжье, гэхдээ

УИХ-ын гишүүдийн тоог заавал 152 болгох албагүй. Өнөөдөр байгаа 76 гишүүнээ 28*48 гэж болно. Үнэхээр нэмэх гээд байгаа бол тоо мундсан биш заавал 152 болгох албагүй. Тийм учраас энэ тоог дэмжихгүй байгаа.

Нэгэнт пропорциональ систем орж ирэх бол тоонд өөрчлөлт орохыг үгүйсгэхгүй. Энэ систем орж ирж байж Монгол төрийн тэнцвэр, ард түмний санал гээгдэхгүй байх, олон намууд парламентад орж ирж үгээ хэлэх гэх мэт гол зүйл бол энэ хувь тэнцүүлсэн хэлбэр. 152 УИХ-ын гишүүнтэй болохыг огт дэмжихгүй байгаа.

Хэт олон сонгогчдын төлөөлөл болж сонгогдоод ачаалал их байна, тойргийн сонгогчдынхоо ачааллыг даахгүй байна гэж үзэж байгаа хүмүүс нь нэр дэвшихгүй байх хэрэгтэй. Тийм тайлбар хэлэхгүйгээр пропорциональ системийг оруулья гээд ард түмэнд үнэнээ хэлээд гуйх ёстой л доо." гэв.