Намаараа талцаж, даргаа шүтэн, хулгайг өөхшүүлдэг булайрал сүйрлийн ирмэгт хүргэсэн. Ялагдсан намынхан ялын тогтоолтой юм шиг амьдарсаар эцэстээ итгэл найдвараа гээцгээн сэхээрэх эрхгүй амь тавьсаар байх уу? Түмний боломжийг төрийн сэнтийгээс дээрэмддэг хэтэрхий өлөн хэдхэн улс төрчдийн хурууны үзүүрт дэнжигнэсэн өрөвдөлтэй улс орон хэвээр үлдэх үү? Боловсролын зээлийн санг баячууд, дарга нарын хүүхдүүд тонож гадаадад зугаацан, эх орноо муучлах эрхийг олж авцгаан, сайд дарга аав ээж нь бусад бүх зээлийн сангийн мөнгө, төсөв, төсөл, концесс нэрээр хулгайлан сонгуулийг ядуу ард түмний хэд гурван өдрийн амьжиргаагаар худалдан авах замаар гартаа авахыг, намдаа тахилын бурхан шиг шүтдэг мунхаг үеийнхэн өсч томроод дарга шигээ сиймхийгүй, хийгүй сайхан хулгайлахаар санхаархахыг, ядуус өдрийн хоолоо арай ядан олж золбин нохой шиг хэвтэр дээрээ үдшийн бүрийгээр цагираглахыг, чононд хөөгдсөн хонь шиг хэдэн монголчууд харьд дүрвэж бусдын боол болж үр хүүхэддээ үлдээх хоргодох оромжны төлөө цагаачлахыг, энд тэндэхийн иргэд монголд суурьшил аваад уул уурхайн баялгийг өөрсдийн юм шиг эзэрхийлж, эзэн нь болсон монголчууд харуул хамгаалалт, хар бор ажилд нь шүлс шиг цалинтай илжиг шиг зүтгэхийг, улсаа тонохыг идэж уухаасаа амарханд бодох хэтэрхий хэрцгий капиталистууд улаан дээрэмчид эрин үе өндийхийг бид хүссэн гэж үү? Монголчууд хүссэн гэж үү? Цөм даргынхаа улыг цоортол долоож, зувчуулсан ч миний дарга цугаараас илүү ухаантан гэж мунхаглах шинэ эриний мухар сүсэгтнүүдтэй улс гэж үү бид?

Эцэст нь нэгэн жиргээчийн оновчтой үгийг хүргэе.

Ардын намын шатрын нүүдэл дийлдэхгүй нь дээ монголчууд минь.

Аймаар зохиол бичиж чаддаг юм байна, үүнийгээ хэрэгжүүлж чаддаг юм байна, мундаг юм байна, биширч байна.

Энэ их "ухаанаа" эх орныхоо хөгжилд гаргадаг ч болоосой...

24 онд Ардын намынхан ахиад эрх барина. Хулгай бүр аймаар болж үргэлжилнэ. Мөрийцсөн ч болно...

Бүх луйвар хулгайн 90 хувийг эрх баригчид хийдэг мөртлөө 10 хувийн баримтыг гаргаж “Ардчилсан нам хулгайч” гэж зарлах нь сөрөг хүчнээ цэвэршүүлэх замыг засч өгсөнтэй ялгаагүй. МАН-ын дарга нар хэчнээн “манайх нэр муутай улс төрчдөөсөө сална” хэмээн зарлав ч нам нь тэр чигээрээ асуудалд орчих тул арга буюу ЖДҮ-чин гишүүдтэйгээ үлдэцгээсэн. Одоо ч БЗС-ийн асуудалд нэр холбогдсон сайд дарга нь нар нь өөрсдийгөө цагаан будгаар нялахаар улайрлаа.

Суут ухаантан Г.В.Гегель нэгэнтээ “Хүн төрөлхтний түүхэн дэх хамгийн адгийн зүйл бол улс орноо тонон дээрэмдэх явдал” гэж аль 200-300 жилийн өмнө хэлжээ.