Арай гэж УДШ-д бүртгэгдсэн ч хүүхдээ БЗС-ийн мөнгөөр гадаадад сургасан, сайдаар ажиллах үедээ эрх мэдэлтнүүдийн зээлийг тэглэсэн, ёс зүйгүй үйлдэл гаргасан… гэх мэтийн нэг дор бүх муу муухайгаа дуудуулсан АН-ын дарга Л.Гантөмөрийн улс төрийн рейтинг сэхэхэд мөдгүй. Ардчиллынханы хувьд намын дарга нь эрх баригчдын нэг “гөвөлт”-ийг даах тэнхэлтэй эсэх нь мэдэгдэхгүй бүлх залгисан юм шиг ганц үг ганхийхгүйд бухимдалтай байгаагаа илэрхийлсэн сэтгэгдэл хөвөрсөөр. Уг нь ил мэтгэлцдэг, цагаан шүүмжлэлцдэг ба илт гуйваж, шарвах, элдэвээр тонох нь арай сулавтар Ардчилсан нам засаглах зангарга бүү хэл олигтойхон сөрөг хүчин болчих тэнхэл ийнхүү дутсаар.

Улс төрийн намууд цөөхөн хулгайчдаасаа салж л улс орны хөгжлийг дахин зөвөөр томъёолох сон. Төрийн эрхийг тэнцүү бус ч ээлжлэн барьсан хоёр том намын нэг нь мөнгө эрх мэдлийн хүчээр улс төрийн тоглолт хийсээр төрийн үндсэн ажил үүрэг цалгарддаг байдал сүүлийн жилүүдэд улам хурцаар тавигдах боллоо.

Шударга ёс, эрх чөлөө, эв нэгдлийг эрхэмлэн бадамласан монголчуудын ардчилсан үзэл санаа мөхөх ёсгүй. Авлигал хортой ч хүчгүй хоосон учраас ямагт хүн төрөлхтөн эл самууралд цэг тавьсаар ирсэн. Иймд Ардчилсан намынхан түүчээ улс төрийн тулхтай хүчин гэдгээ батлахын тулд эрх баригч намын улс төрчид шиг дийлэнх нь хулгайч бишээ харуулан ёс зүйг нэгдүгээрт эрэмбэлж, хариуцлагын тогтолцоогоо чамбайруулах нь өнийн гэрэл гэгээг олж харсан хэрэг болно.