Боловсролын зээлийн сангийн асуудал нийгэмд ингэтлээ бухимдал төрүүлэх шалтгаан нь тэгш бус байдлыг яс махаараа мэдэрч буй монголчуудын нийгмийн сэтгэл зүйн илэрэл. Сангийн мөнгөөр сайд дарга нар тэдний хамаарал бүхий хүмүүс байнга туйлсаар өдий хүрсэн ч мэдсээр атлаа өдгөөгийнх шиг илүү өм цөм дэлгэгдэж, өр базам их тоотой мөнгө төгрөг ил тод баримттайгаа, эзэн холбогдогчтойгоо олны нүдэн дээр дэлгэгдэж, ичих булчирхайгаа умартах эрх баригчдыг улалзуулж байсангүй.

Хэвлэлүүдийн мэдээллэж буйгаар тус сангаас эрх баригч МАН-ынхан давамгайлан зээлсэн нь тэнд хулай луйврын үүр хав дараастайг илтгэх мэт. Монголд намын институд буруугаар хөгжиж үзэл санааны гэхээс үйл хэргийг манлайлал үзүүлж чадалгүй харин ч муу муухайн жишээгээр нэрлэгдэж байгаа нь улс төрийн өнцөг, онол пракикаараа бол тун харамсалтай хэрэг. Нам бол улс орны нийгэм, эдийн засгийг судлаж, танин мэдсэний үндсэн дээр хуулийн дагуу төрийн үйл ажиллагааг зохион байгуулах үүрэгтэй иргэдийн улс төрийн нэгдэл.

Энэ утгаараа эв нэгдлийн цул,зангилаа байсаар ирсэн. Хэдий үзэл суртал, үйл хэрэгээрээ асар зөрүүтэй ч толгой улс төрчид нь зарим үед Үндэсний аюулгүй байдал, тусгаар тогтнолын асуудалд анхаарал хандуулж, сүүлийн 20-30 жилд түүх, соёлын болон, үндэсний оюун санаа, эв нэгдлийн хүрээнд олон амжилттай үйл ажиллагааг явуулдаг нь баярлууштай бөгөөд харанхуйн үзүүр дэх бүдэг гэрэл

Ердөө л С.Зориг агсны хэлсэнчлэн хувийн эрх ашигаа улс орныхоос дээгүүр тавьсаар байвал ямар нэг сайн сайхан юм мөрөөдөөд ч нэмэргүй. Бага хаадын үе шиг хоорондоо уралцаж харь гүрнүүдийн зөөлөн зуушлагдах үмх мах болчихгүйн тулд нэн түрүүнд улс төрчдийн авлигал авах бүх төрлийн нүх сүвийг хуулиар хаах хэрэгтэй. Судалгаа, боловсруулалт, төлөвлөлтөнд нь төр дэмжлэг үзүүлэхэд л нийгмийг маш нарийн тоймлож, засах, сайжруулах асуудлуудыг ажил хэрэг, шинжлэх ухаанч байдлаар томъёолох хүмүүс олширчээ. \

Өөрөөр хэлвэл 20-р зуунаасаа эрс өөрчлөгдсөн монголчуудад уламжлалынхаа арвин нөөцөд тулгуурласан, орчин үеийн ололт амжилтыг шингээсэн үзэл суртлын зэвсэг хэрэгтэй. Үүнийг улс төрийн намууд л хийнэ. Одоо бид шал утгагүй улаа, цэнхэр өнгөөр ялгарахын оронд ядуурал ажилгүйдэл, үнийн өсөлт, хөдөлмөрийн үнэлэмжгүй байдлынхаа эсрэг өөрсдийн хувь нэмэрээ ч оруулах, нэгдэхдээ нэгдэж, маргалдахдаа эрүүлээр хандах цаг болжээ.

Хэрвээ МАН-ынхан 90 хувийн үзүүлэлтээр хэмжигдэн тонуулчид, намдаа хувалзалж шигдсэн хүмүүсээсээ ангижрахын тулд сөрөг хүчнийхээ нийгэмд хөрсжсөн, дотооддоо тулгарсан асуудлыг улам дордуулах өчүүхэн улс төрийн томъёо боддог шигээ гарч тэмцэхийг уриалах ямар нэг нэгдсэн хүчийг хүлээх…

Ойлгомжтойгоор тайлвал өлөн зангаа гээцгээж, өөрсдийн гэсэн үнэт зүйлээ мөнгө, эрх мэдлээр бус түүхээрээ бүтээх хүмүүжил ухамсар сэтгэлгээний өвөрмөц орчинд өндийх үр хүүхдээ эрүүл аюулгүй, эх оронч төлөвшилтэй өсгөх үүрэгтэй. Хөрс нь 90 хувь бохирдсон юм бол намаа авч үлдэх гарц нь “хөрс хуулалт”, “шинэ байршил” болов уу. Тонуулчдын толгойг илэхээр улсаараа годройтох шахдагийг эрх баригчид эрх биш сэнхэрмээр.