КИНО УРЛАГИЙГ ДЭМЖИХ САНГААС ЭНЭ ОНД 11 ТӨСӨЛ САНХҮҮЖИЛТ АВЧЭЭ

Aдмин / Улстөр

Шилэн ажиллагааны хүрээнд зургаан сангийн мэдээлэл нээлттэй болсныг Цахим хөгжил, харилцаа холбооны сайд Н.Учрал мэдээллээ.

Тодруулбал, Байгаль орчин, уур амьсгалын сан, Шинжлэх ухаан, технологийн сан, Гэмт хэргийн хохирогчид нөхөн төлбөр олгох сан, Кино урлагийг дэмжих сан болон Хилийн чанадад байгаа монгол иргэдэд туслах сангийн мэдээлэл нээлттэй болжээ.

Тэрбээр "Тусгай сангууд мэдээллийн бүрэн бүтэн байдлыг ханган машинд уншигдах байдлаар бидэн рүү илгээх ёстой. Мэдээлэл хариуцагч нар мэдээллээ ирүүлсний дагуу shilen.gov.mn системд машинд уншигдах байдлаар есөн сангийн мэдээллийг нээлттэй байршуулсан. Өнөөдөр таван сангийн мэдээллийг ирүүлсэн байдлаар нээлттэйгээр хүргэж байна.

Манай улсад 25 тусгай сан байдаг. 14 сангийн мэдээллийг нийтэд мэдээлсэн. Одоогоор огт мэдээлэл ирүүлээгүй нэг сан байгаа нь Спортыг дэмжих сан юм.

Үйл ажиллагаа явуулаагүй сан хоёр бий. Үүнд,

  1. Архидан согтуурахтай тэмцэх, урьдчилан сэргийлэх үйл ажиллагааг дэмжих сан
  2. Өргөн нэвтрүүлэг хөгжүүлэх сан байна.

Түүнчлэн Зэвсэгт хүчний хөгжлийн сан нууцын зэрэглэлтэй" гэв

Кино урлагийг дэмжих сангийн тухайд одоогийн байдлаар 11 төслийн мэдээлэл бүртгэгджээ. Эдгээр 11 төслийн санхүүжилтийн нийт дүн 1,071,200,000 төгрөг байна. Эдгээр санхүүжилтийг бүгдийг 2023 онд олгожээ.

зураг

Нээлттэй болсон мэдээлэл дундаас хамгийн их санхүүжилтийг “Ю Тийм” байгууллагын “Амира” хүүхэлдэйн олон ангит киноны төсөл, Иргэдийн цахим оролцоо байгууллагын “Кино нүүдэл сургалт” кино зохиол, кино төслийн сургалтын төсөл тус бүр 240,000,000 төгрөг авчээ


Сэтгэгдэл

Зочин [172.58.167.172] 2023-05-27 02:37:47

Ундармаа гэж алиа гошин шогч америкт кино гаргаад яваад байгаашт.. өөрөө төлөөч бязда авгай

иргэн [192.82.91.20] 2023-05-26 20:16:30

Энэ төрийн мөнгөөр сан байгуулдагаа болиочээ. Энэ ч хаана ч ийм бусармаг тогтолцоо байхгүй шдээ.

Мөнхөө [90.129.198.111] 2023-05-26 13:24:35

Ю Тийм гэж байгуулага ерөөсөө байдаггүйн байна Амира гэж хүүхэлдэйн олон кино хийхээр болсон ямар ч мэдээлэл алга даа ккк


3 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
3 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.