Авлигатай улс төрийн явуургүй аргаар тэмцвэл хүлээх хариуцлага нь чангарахыг төр засгийн тэргүүнүүд ухамсарлах чадвар зайлшгүй.Шүүх эрх мэдлийн бие даасан байдлыг бодитоор хангах реформ аль хоёр гурван жилийн өмнөөс өргөн баригдаж, илтэд хэрэгжих нөхцөл бололцоо бүрдсээр атал эрх баригчдын зүгээс удаашруулан мартагнуулах бүх талын арга хэмжээ авч байгаа нь цаагуураа ямар эрх ашигт захирагдаж буйг таашгүй. Хэрвээ бодлого, стратеги байгаа бол тэрийгээ намалдаг, нам хоёроосоо цөм салгаж улс эх орны хэтийн ирээдүйн төлөө ухрааснаа урагшлуулах, түүхийн өмнө цагаадах боломж хадгалагдсаар.

Гэтэл эрх баригч намын толгой улс төрчих алдаа дутагдал бүхнийг амьгүй сөрөг хүчин рүүгээ чихээд уснаас хуурай гарна гэвэл зууны онигоо зохиогдон зангууны үлгэр гэгч л дээ. Ардчилсан намынхан хүч нь суларсаар ч чадамжгүй нам огт биш ээ. Долоолтгүй чин үнэн бол монголын баялаг бүтээгчид, боловсролтой хэсгийнхэн энэ намд бий.Харин эрх баригчдын хувьд хатуухан хэлэхэд мөнгө эрх мэдэлд дулдуйдсан түр зуурын гэмээр асар өргөн адгуу хөөсөн хүч бий.

Монголын нэн шинэ түүхийг босгож буй хоёр том улс төрийн хүчин өөрсдийгөө эх орон ард түмнийхээ өмнө хүлээсэн үүрэгтэй, ухамсар, ёс зүйгээр манлайлах учиртай. Нэн даруй авлигалын уг үндсийг таслан бохир тогтолцоог шинэчлэх шаардлага хоолойд тулсаар атал элдэв цаламд өртөж эрээ цээргүй хулгайн гоодоог даруу төлөв ухаалаг улс төрөөр солихгүй бол ухаант хүн ардын чинь унаган залуус зарим нь гадагшаа дүрвэн харьд боолчлогдож зарим нь өлөн зэлмүүн, өнгөц, үзэн ядагч хэрцгий, харанхуй сэтгэлгээтэйгээр тэмтчих болно.

Иймийн тул туршлагатай дунд үеийнхэн, хараат бус залуусыг ч татах хандлагатай болоод байгаа сангуудын мэдээлэл ил болж байгаа авлигалын бажгадалт шиг үйл явцыг үргэлжлүүлэх нь туйлын зөв. Гэхдээ төр өөрийн зангаргаа алдаж, нийгмийг эмх замбараагүйд уриалагч салбадайтан боломгүй.