Монголын санхүүгийн судсыг атгачихааад тавьдаггүй ЭЗХ-ийн сайд Чимидийн Хүрэлбаатарыг тойрсон асуудал нийгэмд үе үе хурцаар тавигддаг. Тэрвээр өөртэй нь холбоотой асуудлуудад няцаалт тайлбараар хариулт өгсөөр ирсэн ч шөнийн цагаар гадаадийн иргэдтэй тодорхойгүй байдлаар хамт байсны мөрөөр нь сэтгүүлч орж сурвалжилсны дараагаар нийгмийн сүлжээнд бага бус шуугиан дэгдлээ. Гэвч Хүрэлбаатар сайд Хятад улсын иргэдтэй хамт байсан үйлдлээ тайлбарлахдаа “...ямар нэг албан бус уулзалт бус ЭСЯ-ныхантай тодорхой ажил хэргийн хүрээнд уулзсан…” гэх маягаар тайлбарласан ба удалгүй сурвалжилсан сэтгүүлчийн ажилдаг сайтын захиргаанаас залруулга мэдэгдэл гарган “...сэтгүүлчийн ёс зүйгүй үйлдэл…” гэх мэтээр тайлбарлав.

Харин үүний дараагаар нэр бүхий сэтгүүлч “... сайтын захирал залуу худалдагджээ…” гэх мэдэгдэл өөрийн цахим хаягтаа бичиж үлдээсэн байна.

Харин сайтын захирал гэх залуу ямар нэг тайлбар гаргаагүй бөгөөд түүний эхнэр нь сэтгүүлчийг мөн л ёс зүйгүй үйлдэл гаргасан мэтээр өөрийн фэйсбүүктээ бичсэн байна.

Ийнхүү талуудын байр суурийг нэгтгэн авч үзвэл нэгдүгээрт Ч.Хүрэлбаатар сайд ажлын бус цагаар гадаадын иргэдтэй чухам ямар асуудлаар хэрхэн уулзаж, юу ярьснаа тайлбарлаж мэдэгдэл гаргахдаа “...Энэ АСУ.мн гэдгийг шүүхэд өгнө өө, арай хэтэрч байна. БНХАУ-ын элчин сайдын албаны хүмүүс ихэд гайхаж яагаад ингэж гүтгэж байгааг асууж байна лээ. Шүүхдэнэ ээ л гэл ээ. 2 улсын хооронд сэв суулгах юм болж байна…” гэх зэргээр сэтгэл хөдлөлөө бариагүй сэтгүүлчийг дарамтлах хандлага гаргасан гэж тухайн сэтгүүлч үзсэн нь оргүй бус.

Зарим сэтгүүлч уг асуудлыг дүгнэхдээ:

Нийтлэлч Б.Болор-Эрдэнийн “Хүний идэж уух бид нарт хамаагүй. Харин УИХ-ын гишүүн, Эдийн засаг хөгжлийн сайд бааранд ганцаараа протколгүйгээр үндэсний эрх ашгийн талд хэлцэл хийх баталгаа байхгүй. Тэр багт Ч.Хүрэлбаатарын ажилласан,лоббидсон хуулиудад анализ хий гэж зөвлөе.” гэснийг хуваалцангаа

1. Хүрэлбаатар сайдтай уулзаж байсан хүмүүс өөрийнх нь хэлдгээр ЭСЯ ажилтнууд мөн байсан уу? /судлах/

2. Мөрийтэй тоглоогүй бол камерын бичлэгээ баримт болгож үзүүлэх үү?

3. Гадныхны лоббид автаж, янз бүрийн зүйл хийж яваагүй гэдгийг яаж батлах? Хүрэлбаатар сайд үнэхээр улсдаа мөнгө олж ирэх гээд уулзаж байсан уу? Сайдын нэр барьж хувьдаа юу?

4. Сайд ч гэсэн хүн. Ууж идэх, дайлуулж цайлуулах байлгүй яах вэ. Гэхдээ 10 жилийн өмнө Тагнуулын байгууллагаас хийсэн нэг сургалтад сууж байхад хүмүүс өөрсдийн мэдэлгүй гаднын гар хөл болох гээд байдаг. Гаднынхантай болгоомжтой уулзаарай гэж "айлгаад"... Тэрнээс хойш Тайванийн консултай ч уулзахгүй явсаар буцаасан. Нээрээ л бас бэлгийг нь авч, ууж идээд тагнуулч нэр зүүчих вий гэж айгаад... Тайванийн тагнуул гэж зүхүүлдэг хүн чинь... Тэгэхээр хардах субьект сайд мөн.

5. Урнаа хадаас хийх гэж яараад лайвдсан нь буруудаж. Дараа нь боловсруулаад монтажлаад цацсан бол....

6. Гэхдээ шууд дамжуулалтын нэг давуу тал нь газар дээрээс нь... Эвлүүлэггүй...

7. Би бас тэгж бодож Эрдэнээс очиж Англиар асуухдаа тактикийн алдаа гаргаж байсан удаатай.

8. Редакц нь сэтгүүлчээ өшиглөөд өөрсдийгөө мулталсан нь хүн чанар талаасаа тоогүй.

9. Ажил хийж байгаа хүн алдаа гаргана. Хадаас олчихлоо гэж яарснаас болж "даарлаа". Бид сургамж авч, мэдээлэл хайх, олох, баталгаажуулах, боловсруулах гэсэн замаар явах… Гэжээ.