УИХ-ын чуулганы нэгдсэн хуралдаанаар Үндсэн хуульд өөрчлөлт оруулах төслийн гурав дахь хэлэлцүүлгийг хийж эхэллээ. Энэ удаагийн өөрчлөлтөөр гишүүдийн тоог 126 болгож, тойргоос 78, намын жагсаалтаас 48 гишүүн сонгохоор Үндсэн хуульд өөрчлөлт оруулахаар болоод байгаа юм. Тодруулбал, Үндсэн хуулийн 21.1 дэх заалтыг “УИХ нэг танхимтай байна. УИХ-ын гишүүдийн 78-ыг мажоритар, 76-г пропорциональ аргаар сонгоно” хэмээн өөрчилнө. Өмнөх хэлэлцүүлгийн дараа 76 гишүүнийг тойргоос сонгож, 50 гишүүнийг намын жагсаалтаас сонгохоор болоод байсан ч УИХ-д суудалтай намууд энэ харьцааг 78:48 болгож байгаагаа өчигдөр мэдэгдсэн билээ.