Намын даргынхаа бүртгэлээр цаламдуулан цамаан улс төрийн тохиролцооныхоо хариуг барьж энэ удаагийн ҮХНӨ-ийг сөрөг хүчний намын цөөн гишүүд наашаа харж инээн цаашаа харж ярвайсаар кнопоо дарах шиг боллоо. Гэвч улс төрийн хүчин зүтгэлийнх нь ард ямагт зогсож сонгууль бүрт мөлхөө улс төрд нь ханцуй шамлан ордог дунд шатны намын гишүүд, олон жилийн хур практиктай менежерүүд энэ удаа эрх баригчдын дүрмээр дахиад сонгууль явагдах учраас сөрөг хүчин болоод бусад намуудад боломж хумигдаж дахиад хяналтгүй засаглал ноёлох хямралт байдал даамжирна гэж байна.

Жагсаалтад муу нэртэй улс төрчдийг манай нам огт оруулахгүй гэхээсээ урьтан Ардчилсан намын дарга хамгийн том олигархи гэх хар фи арыг тултал хийсэн нь сонгуулийн стратеги богино зайны хорон улс төрд МАН хамгийн сайн нь харагдлаа.

Хөөрхий сөрөг хүчний хувьд одоо байгаа УИХ дахь суудлаа алдахгүйг хичээх өрөвдөм байдал руу орчихов уу яав? Ерөнхийлөгчийн хувьд бүлх залгисан юм шиг бүлгэнэмэл улс төрөө орхиж нэр төрөө сэргээх боломж гарч ирлээ. Ард түмний эцэг мөн л юм бол ҮХНӨ-д хориг тавиад 2028 он хүртэл хойшлуулах санал оруулвал ард түмэн алгаа таших нь. Ерөнхий сайдын намаа ч улсаа ч шинэчлэх гэсэн оролдлого хэтэрхий хөнгөн хуумгай, тэвдүү болсны гороор удаан хугацааны хямрал рүү түлхчих магадлал ч их.