МАНай эрх баригчид аливаа менежментэд үнэхээр дөргүй эв хавгүй гүжир тачир. Хүүхдийн мөнгөний бодлогод ухаалаг шийдэл оруулж байгаагаа чухам л зарлаад хүн амын 90 хувьд нь ядуу учраас 100 мянга хэрэгтэй 10 хувь цулгар баян тул хэрэггүй хэмээн муйхарлахдаа гэнэтхэн сонгууль ойртож буйг санагалзан саяхнаас ард түмнээ "үл ялгаварлагч" болж харагдахаар их хичээх.

Баян тарган гэж гадуурхагдан хүүхдийн мөнгөнөөс хасагдсан 10 хувь дотор ч өр зээлээ дөнгөн ядах хүмүүс олноороо гарч ирэн бүртгэлийн байгууллагын будилуу мунагийг улам тодруулжээ.

Бас одоо л нүүрсний тээврээс олсон багахан төсвөөр сонгууль угтан "угж" ажиллагааг эрчимжүүлээд өгье гэсэн шиг төрийн албаныхны цалинг нэмэн тэтгэвэр дээр наалинхайтан төсөв цутгаж, малчдад ч хайр зарлаад амжлаа.

Төрийн бодлого ийм онгироо сэвүүр байж болохгүй л баймаар. Ерөнхий сайдын "ш" ажиллагаанууд ч шулмуудын хорлолд өртөн бүдгэрэх шахлаа. Аль хэдийн амь тавьсан сөрөг хүчнийхээ малгайгүй улс төрчдийг дүлий гөрдлөгөөр балбаад улс төр хийнэ гэж юу байхав. Бүх онцгой үнэмлэхүй эрх МАН-ын гараас салаагүйг бүгд мэдэхээс хойш.