Ерөнхий сайд Америкийн Нэгдсэн Улсад айлчлахдаа нэр бүхий сонин, сэтгүүл, сайт, телевизийг дагуулж явна гэх мэдээлэл нийгмийн сүлжээнд сэтгүүлчдийг талцах сэдэв болгов уу. Юутай ч Ч.Лодойсамбуу сэтгүүлчийн шүүмжилсэнчлэн ЗГ энэ олон сэтгүүлчдийг дагуулж улсыг төсвийг үргүй зарцуулахын оронд нэг ч гэсэн хэрэгтэй газарт мөнгө зарцуулах хэрэгтэй гэсэн сэтгэгдэл хөвөрсөөр. АНУ-руу явах явахгүй, хоцорсон хасагдсандаа бус ч цаагуураа нийтлэлч, сэтгүүлчдийн эгдүүцэж байгаа нэг асуудал бол анхнаасаа Засгийн газар хэвлэл мэдээллийнхэн талцсан асуудлыг гаргаж тавьсанд юм.

Өөрөөр хэлбэл төрийн өндөр албан айлчлалыг сурвалжилж, иргэд тэнцвэртэй, бодит мэдээллийг цэгцтэй хүлээн авахад шаардлага хангах багийг авч ажиллах нь зүйтэй. Гээд энэ олон сэтгүүлч, зураглаач нарыг засгийн мөнгөөр АНУ-руу нисгэх нь инфляцад идэгдээд байгаа Монгол Улсын Засгийн Газрын хувьд бодлогогүй алхам болж таарав уу?

АНУ-руу нисэж чадаагүйдээ гоморхож атаархах бус засаг хандалт сайтай, уншилт ихтэй, үзэгч олонтой хэвлэлүүдийг шүүж гадаадад энэ олноор нь авч явснаараа цаагуураа намынхаа сонгуулийн пи арыг бэлдэж Америкт хөл тавих эрхээр шагналаа гэх хардлага бодитой бус уу.

Энэ талаар сэтгүүлч, нийтлэлчдийн байр суурь ч Засгийн Газрыг буруутгах чигтэй байна. Сэтгүүлч Б.Ганчимэг “МОНЦАМЭ" гэх мэт хариуцлагатай, нэр хүндтэй гадаад мэдээний талдаа туршлагатай байгууллагаас төрийн айлчлал сурвалжлуулахаар авч явахгүй байгааг гайхаж байна” гэсэн бол яруу найрагч нийтлэлч Р.Эмүжин “ Гаднын улсад очоод сэтгүүлчийн зарчим ажлынхаа үүргийг умартахгүй байхаас гадна биеэ авч яваа байдал, хэлний мэдлэгээрээ хүртэл тэрийгээд ойчихгүй байж хоёр орны харилцаанд чухам ямар бодит алхам хийгдэв гэдгийг тун няхуур анзаарах ёстой” гэж сануулжээ.