Нийслэл хотын үер хотын даргын суудалд нэлээд халгаатай болоод байна. Байгалийн гамшигт үзэгдлийг урьдчилж мэдэх аргагүй гэх халхавчаар нийслэлийн газрын наймааны бузар булайг шороотой хутган булах гэсэн зарим оролдлогуудаас үүдэн дахин дахин салам үерлэж эрдэнэт хүний амь нас хэд хэдээрээ эрсэдсэн тун харамсалтай байдал бий болжээ. Өнөөдөр хотын удирдлагууд урьд хойдохоо муулцгаан хариуцлагаас зугтахыг оролдох нь иргэдийн бухимдал намжихгүй улам ч хүчтэй шаардлага тавих шалтгаан болов.

Буруу төлөвлөлт гэхээсээ хууль бус газрын наймаа, авлигалын зөвшөөрөл энэ их усан шалбаагны уг үндэс болоод байна. Сэтгүүлч А.Баатархуяг Д.Сумъяабазар даргын “...Хариуцлага алдсан хороон дарга нарыг ажлаас нь хална, эрүүгийн хариуцлага үүрүүлнэ” гэсэн мэдэгдэлд ийнхүү сэтгэгдэл илэрхийлжээ. “Өнөө ардчиллын зарчим нь нутгийн өөрөө удирдах ёс нь алдагдана даа!

Намаар дарангуйлаад сурчихсан хүн түүгээрээ л бодож байгаа хэрэг. Ерөнхий сайд хотын даргыг хусахгүй, НИТХ л тийм эрхтэйн адил хотын дарга биш хорооны нийтийн хурал л хороон даргыг хусах эрхтэй! Харин хэрэгт татах энэ тэр боломжтой байх, гэхдээ асуудлыг дээрээс биш доороос хохирогчоос л гаргах ёстой л доо!

Хороон дарга нар нь олигтой ч амьтас биш байх л даа, намын анхан шатныхан пиг чихээ биз, гэвч дунд нь дүүрэг гэж нэг орон нутгийн сонгуульт бүтэц бий! Ядаж тэд шийднэ, гол нь энэ зарчим! Хэрэв Сумъяа нэг хороон дарга хусах юм бол тэр жишгээр Ерөнхийлөгч ч өөрийг нь хусчхаж болно! Систем учраас эвдэрвэл өөрт нь ч халгаатай”