Засгийн газрын ээлжит хуралдаан үргэлжилж байна. Тус хуралдаанаар ойрын өдрүүдэд үүсээд буй үерийн гамшгийн нөхцөл байдал, хариу арга хэмжээг авч хэлэлцэхээр тогтсон байна. Мөн Боловсролын салбарын хөрөнгө оруулалтын ажлыг эрчимжүүлэх зарим арга хэмжээний тухай, 1955 оны “Монгол-Хятадын хилийн төмөр замын хэлэлцээр” болон “Гашуунсухайт-Ганцмод” хил дамнасан төмөр замын бүтээн байгуулалтын ажилтай холбоотойгоор авах зарим арга хэмжээний тухай УИХ-ын энэ оны 68 дугаар тогтоолын хэрэгжилтийг хангах бэлтгэл ажил зэрэг 20 орчим асуудлыг товд оруулсан аж.