Эрчим хүчний сайд Б.Чойжилсүрэн “БНХАУ-аас энэ өвөл 177 тэрбум төгрөгт коксжих нүүрс худалдан авч түлшинд туршина. Сайн үр дүнд хүрэхгүй арай дээрдэх боломж энэ л байна…” гэжээ. Энэ мэдэгдэлд сошиал орчин маш ихээр дургүйцэж байна. Арга ч үгүй биз. Өнгөрсөн 6-7 жилийн хугацаанд утаа бууруулах нэрийдлээр их наядаар нь зарцуулсан мөртлөө ямар ч үр дүнд хүрээгүйн дээр иргэд эрүүл мэнд амь насаараа хохирч нийгэм тэр аяараа тэрбум шахам долларын боломжоо алдаад байна гэж НҮБ дүгнэсэн нь завхрал гэхээс өөрцгүй.

Агаарын бохирдолд зарцуулсан бүх мөнгө хөрөнгийг тооцож, буруу зарцуулалт шамшигдуулалт, авлигалын замаар орсны холбогдох эзнийг тогтоож хуулийн шийтгэл ногдуулах зайлшгүй шаардлага бий.

НҮБ-ийн “Улаанбаатар хотын агаарын бохирдол хүн амын эрүүл мэндэд үзүүлэх нөлөөлөл” судалгаанд

-Амьсгалын замын өвчлөл 52,9

- Хүүхдийн амьсгалын замын өвчлөл 24,1

- Зүрх судасны өвчлөл 26

- Хүн амын нас баралт 9,2

- Уушиг зүрх судас хавсарсан өвчлөл 28,8

- уушигний хавдар 39,9 хувьтай байна гэж үзжээ. Утаанаас шалтгаалж өвчилж, нас барж байгаа иргэдийнхээ амь нас эрүүл мэндийг огтхон ч хайхрахгүй байгаа нь үе үеийн ЗГ, УИХ-ын бодлогын алдаа гэж үзжээ.

Сошиал хуудсанд Хятадаас нүүрс авахаар мэдэгдсэн 177 тэрбумаар хэрхэн үр дүнтэй оновчтой ажил хийж болох талаар нэгэн иргэн тооцжээ.

177 тэрбум төгрөгөөр юу хийж болох вэ?

10 аймагт 3000м3 хүчин чадалтай бохир ус цэвэрлэх байгууламж

1 том металлургийн үйлдвэр

70ш бага сургууль

2ш нүүрс бага оврын баяжуулах үйлдвэр

250ш 1000 үхрийн ферм

Дулааны цахилгаан станц

м2 нь 2сая төгрөгийн өртөгтэй 30м2 байр 3000ш