Үүртэж түүртсэн хүүхэд эмэгтэйчүүд, хөгшин хөвөө хүмүүс тортой бичиг цаас барин өрөө өрөөний үүд сахиж гарч орсон эмч эмнэлгийнхнийг нүд дагуулан горьдсон харцаар ээрүүлдсээр. "Саяхан үзүүлж байгаа хүн цаашаа эмчилгээ хийлгэх бол өрхөөсөө заавал 13а авах болж гэнэ. Ямар хэрэгтэй юм бол ... гэж хоорондоо ярилцах хэд гурван хөгшчүүл эмч нарын үүд сахин суух. Цайны цаг болсон гэж нэлээн удаж үзлэгийн эмч ирлээ.

Удалгүй тээврийн жолооч бололтой залуус мөн л шинжилгээ бичиг цаас гэлцсээр орж ирээд бас л ойлголт муутай гүйлдэн бас л 13а гэх ганц илгээх товч дараад болох хэр нь ямар ч мэдээлэл хүртээгдээгүй гацаа саадын тухай бухимдацгаана.

Уг нь нэлээн сүр дуулиантай олдож улсын эмнэлгээр эмчилгээ хийлгэх эрх болдог 13А маягт анхан шатны өрхийн эмнэлэгт эмч нарын цахим хэрэгсэл дотор ирсэн нь сайн жишиг гэмээр ч чухам юунд ач холбогдолтой юуг хөнгөвчилж байгаа нь одоогоор хөрсөн дээрээ мэдэгдэхгүй байна.