Сайд С.Бямбацогт чингэлгийн түгжрэлийг арилгана гэв
![](/files/raccekzdelzumwm59dzh/3/byamba.jpg)
Зам тээврийн хөгжлийн сайд С.Бямбацогт өнгөрсөн өдрүүдэд БНХАУ-ын Ляонин мужийн Жинжөү боомтод ажилласан бөгөөд чингэлгийн түгжрэлийг арилгах гарц эрэлхийлж, өмнөд хөршийн холбогдох албаны хүмүүстэй уулзаж, хамтран ажиллах болсноо мэдэгдлээ. Тодруулбал, томоохон дэд бүтцийн төслүүдээ хэрэгжүүлэх хүрээнд Жинжөү хотын дарга Ван Шиньюй тэргүүтэй төлөөлөгчидтэй уулзаж, хамтран ажиллах ойлголцолд хүрчээ.
Ази, Европыг холбосон ложистикийн зангилаа Жинжөү боомт нь Хятадын Ляонин мужийн баруун хэсэгт, Бөхай тэнгисийн баруун хойд хэсэгт оршдог байна. Жилдээ 100 сая тонн ачаа боловсруулах хүчин чадалтай Хятадын хамгийн хойд талын боомт аж.
Монгол Улс жилдээ 90 мянган ширхэг чингэлэг ачаа импортоор авч 80 мянган чингэлэг буцаадаг. Импортын ачааны ихэнх нь дамждаг Тяньжин боомт жилд 500 сая тонн ачаа боловсруулдаг.Тяньжинд үүсдэг чингэлгийн бөөгнөрлийг арилгахын тулд Жинжөү боомтыг ашиглах, үүний тулд зүүн босоо тэнхлэгийн төмөр замаа барьж далайн боомттой холбогдсон хоёр дахь гарцтай болохыг чухалчилж байна.Тяньжин боомтын өрсөлдөгч Жинжөү боомт Монголоос 866 км зайд оршдог. Эл боомтыг ашигладаг болсноор чингэлгийн бөөгнөрөл арилж, тээврийн үнэ буурч, импортын ачаа маш хурдан ирдэг болно гэж үзэж байна.
Чойбалсан-Хөөт-Бичигт, Сайншанд-Баруун-Урт-Хөөт чиглэлийн төмөр замын төслүүдээ хурдан хэрэгжүүлэх,
Бичигт хилийн боомтын нэвтрүүлэх хүчин чадлыг нэмэгдүүлэх,
Ачаа тээврийн терминалуудыг байгуулах,
Бичигт хилийн боомтыг хатуу хучилттай авто замаар холбох зэрэг зүүн бүсийн томоохон дэд бүтцийн цогц төслүүдээ хэрэгжүүлснээр чингэлгийн түгжрэлийг арилгах боломжтой гэж үзэж байна.
М.МӨНХ
Сэтгэгдэл
Зочин [203.98.76.249] 2023-09-14 13:29:11
энэ хүүрэн балгас алга болохгүй бол хаана ч гай удсаар байх юм байна.
зочин [103.80.210.21] 2023-09-13 13:37:20
Энэ сайд харь хамаагүй секторуудад хийх юм хийсэн газар бүртээ ажлыг үнэхээр бужигнуулж чадварлаг гэдгээ нотлох юм аа.Монгол улсад ингэж ажил хийдэг ядаж 5 сайд байдаг болдоо хөөрхий
зочин [202.9.46.246] 2023-09-13 12:39:37
хэн хэн ч ярьдаг билээ хичнээн жил ч ярив хийж бүтээхээсээ илүү устгаж идэж л дуусгав