УИХ дахь МАН-ын бүлгийн дарга Д.Тогтохсүрэн, дэд дарга Э.Бат-Амгалан нар мэдээлэл хийлээ.

Энэ үеэр Д.Тогтохсүрэн: "Хүний эрхийг дээдлэх асуудлаар энэ удаагийн УИХ, Засгийн газар багагүй зүйл хийсэн гэдгийг зориуд хэлмээр байна. Хүний эрх, түүнтэй холбоотой эрхзүйн орчныг бүрдүүлэх тал дээр бид олон хуулийн асуудлыг шийдсэн. Авлигын эсрэг нэлээн олон хууль гаргасан. Авлигын эсрэг үндэсний хөтөлбөр шинээр батлаж гаргалаа. Эрүүгийн хуулинд авлигын чиглэлээр тусгайлсан заалтууд оруулж өгсөн. Мэдээж хийгээгүй, дутуу асуудлууд бий. Үгүйсгэхгүй. Төсөвтэй холбоотой хэлэхэд 5 орчим их наяд төгрөгөөр ирэх жилийн төсөв тэлсэн байгаа. Энэ нь нэг талаар орлоготой холбоотой

Мөн сүүлийн үед инфляцтай холбоотойгоор цалин тэтгэвэр нилээн нэмэгдсэн. Өнгөрсөн онд ч бид цалин тэтгэврийг нилээн нэмчихсэн. Үүнтэй холбоотойгоор энэ онд зөвхөн төсөв дээр хийгдэж байгаа зарлага нь нэг их наяд төгрөг байгаа.

Цалин тэтгэврийн нэмэгдэл нь. Ингээд хөрөнгө оруулалтаа нэмсэн. Цалин тэтгэврээ нэмсэн. Инфляцын түвшинтэй уялдуулж тодорхой зарлагууд нэмэгдсэн. Үүнтэй холбоотойгоор ирэх жилийн төсөв тэлсэн. Өнгөрсөн жил хөрөнгө оруулалтуудыг царцаасан. Ирэх жилийн төсөвт шинээр хөрөнгө оруулж буй хэмжээ 1,5 их наяд орчим төгрөг байгаа. Өнгөрсөн жилүүдэд эхэлсэн, дуусгах шаардлагатай хөрөнгө оруулалтууд 1,5 орчим их наяд төгрөг байна. Эдгээр асуудлуудтай холбоотойгоор төсвийн зарлага нилээд хэмжээгээр нэмэгдсэн. Мэдээж хэрэг орлого бас нэмэгдсэн. Цаг үеийн нөхцөл байдалтай холбоотойгоор инфляцын түвшинтэй уялдуулж Монгол улсын ДНБ нэмэгдээд явж байгаа юм." гэв.

М.Чой

Эх сурвалж: Сонин.мн