Нийслэл хотод автобусны авлигалын үер задарч, үе үеийн хотын дарга нарын газрын наймааны бохир сүлжээ дүүргийн дарга нарт хүртэл халдварлаж байдал засрахад хүндээр ужгирсан нь харагдаж байна. Мөн ЗГ-ын баримталж буй бодлого шийдвэрүүд зоримог эрс шинэчлэлийн үнэр ханхлуулаад эхэлсэн учраас янз бүрийн ил далд цочмог үйлдлүүдээр Амарбаясгалан, Нямбаатар нарын нэр хүндэд халдах байдал гарах боллоо. Гэхдээ энэ нь энэ хоёр өөгүй өндөг шиг гэсэн үг биш. Намынхаа ах нарын үгэнд орж үе үе гэнэн тэнэгдүү, муйхар мэдэгдэл хийж хэт улс төрждөг. Харин Ерөнхий сайдын хувьд асуудалд эмзэглэх бус аль болох ул суурьтайгаар, удаан алдаагүй цэвэр шийдвэр гаргадаг болчихлоо.

Хурдан туршлагажиж, шударга үйлдлээрээ түүхэнд цолгордоггүй юмаа гэхэд “хуудуугүй улс төрч” гэгдэх боломж байна. Ард түмэн МАН-д муу дүн тавьсан хэвээр байгаагийн цаад шалтгаан нь нэгэн үеийг тэр чигээр нь ядуурал гуйланчлалд автуулаад зогсохгүй ирээдүйгээ эвдэж,эдийн засгийг сүйтгэн, авлигалын замаар мафи болцгоосон хууччуулын балаг.

Амарбаясгалан, Оюун-Эрдэнэ, Нямбаатар гурав ч эрх ашгийг эдэлж л яваа. Гэхдээ Оюун-Эрдэнийн намаа ч улсаа ч сүйрүүлэхгүйгээр цааш явах бөөрөнхий төлөвлөгөө хурдан сэхээрэх, даруйхан тэнхрэх улс,ард түмний хувьд түүртмэл байгаа нь илэрхий.

Нүүрсний хулгайч улс төрчдөө ч ногоон автобусны хэргийн цаад эздийг ч хүчрэхгүй яваа болохоор, ер нь л хууль бус тэрбумтнуудаа хаацайлсаар өдий хүрсэн болохоор баяр хүргэх өдий. Хэрвээ шударга ёсны үнэр ханхлуулахгүй л ард түмэн босоход бэлэн байгаа болохоор сонгууль улс төрөө бодсон ч хэн хэнд нь зарчимтай байх шаардлага тулгарч байна.

Д.ЭНХБАТ