Нийтийг бухимдуулсан шинэ ч юм шиг хуучин ч юм шиг ногоон автобусны хэрэг Нийслэл хотын түгжрэлийн сайд, Хотын дарга нарыг үүрэгт ажил, халуун суудлаас нь буулгаад нэг сар ч өнгөрөөгүй байна. Дараагийн хотын дарга хэн болох нь маш сонирхолтой сэдэв байсан төдийгүй ХЗДХ-ийн сайд Х.Нямбаатар сонгогдсон нь бүүр ч сонин явдал байв.

Х.Нямбаатарын хувьд улс төрд нөлөө бүхий, олон ч хариуцлагатай ажлуудыг хариуцан явуулж байсан нэгэн. Тухайлбал 5ш ажиллагаанаас эхлээд хийх ёстой, хийж байгаа ажлууд олон байсан. Гэтэл энэ бүхнийг ардаа орхиж яагаад хотын даргын үүрэгт ажлыг хүлээн зөвшөөрч, хүлээн авав.

Түүний хувьд өөрийн багаа бүрдүүлж эхэлсэн төдийгүй хотын даргын нэгдүгээр орлогчийг ХЗДХЯ-ны Төрийн нарийн бичгийн даргаар ажиллаж байсан П.Сайнзориг гүйцэтгэхээр болсон. Харин хоёрдугаар орлогчоор УИХ-ын даргын зөвлөх асан, хуульч, судлаач О.Номинчимэгийг томилжээ.

О.Номинчимэгийн хувьд МУИС, Хууль зүйн сургууль болон СЭЗИС-д багшилж байсан бөгөөд 2010 оноос хуульчийн мэргэжлийн үйл ажиллагаа явуулсан ажлын туршлагатай. Гэхдээ уг ажлын туршлага дээрээ Rio Tinto группийн хуулийн зөвлөхөөр ажиллаж байснаа бичээгүй байгаа нь Оюутолгой Ордын хөрөнгө оруулагч Rio tinto-гийнхон яагаад хотыг сонирхох болов гэсэн хардлагыг төрүүлж байна. Юуны учир улс төрд нөлөө бүхий албан тушаалтнууд хотын даргын албан үүрэг рүү шуурах болов?