2023 оны 10 сарын 23 “ МАН-ын бүлгийн дарга Д.Тогтохсүрэн. “Татварын болон Эрүүгийн хуультай холбоотой асуудлаар иргэдээс санал авах нь буруу жишиг гэж үзэж байна. УИХ-ын гишүүдийг Эрүүгийн болон Татварын хууль санаачлахгүй талаар яригддаг. D-parliament.mn-д журмынх нь тухайд шинэчлэл хийх шаардлагатай" гэлээ. Татварын зөв бодлогоо яаж барихаа мэдэхгүй иргэдээ асууна гэх. Гэтэл удаа ч үгүй иргэдээс асуух нь буруу жишиг тул асуухгүй ээ гэх.

Ийм хөл толгой нь мэдэгдэхгүй МАН-ын бүлэг, УИХ, ЗГ нь хоорондоо зөрчилтэй шийдвэр, шийдэл яриад сууж байдаг нь бүрэн чадамжгүй улс төрийн хүчин үнэмлэхүй олонхоор улс орны асуудлыг хурдтай муужруулж байгааг харууллаа.

Эрүүгийн хуульд иргэдээс санал авах нь буруу юм бол эрх баригчид дангаараа дарангуйлалд гаршиж, үзэл бодлоо илэрхийлсэн болгоныг хорьж шийтгэж, ардчиллаас байнга ухардаг бурангуй байдлаа өөрсдөө нотолж байгаа хэрэг.Товчхондоо татвараар иргэдийнхээ халаасыг хоосолж, эрүүгийн хуулиар эрүүдэн шүүдэг харгислалаа бодитоор тунхаглаж байна уу.

Д.ЭНХБАТ