Хавдар судлалын үндэсний төвийн захирал Н.Эрдэнэхүүгийн Улстөрч.мн сайтад саяхан мэдээлээсэнчлэн Улаанбаатар хотын иргэд утаанаас болж хавдраар өвчлөх тоо нэмэгджээ. Монгол хүний генд утаанаас шалтгаалах хавдар илэрч байгааг албаны хүн ийнхүү мэдэгдсэн нь агаарын бохирдол үндэсний аюулгүй байдалд харш бөгөөд ард түмний эрүүл аюулгүй орчинд амьдрах Үндсэн хуулиар олгогдсон эрхийг ноцтой зөрчиж буй хэрэг. Нэгэнт хортой нөхцөлийн шалтгаан, үр дүн тодорхой учир үүнд ямар нэг хариуцлагын асуудал яригдах ёстой.

Өнгөрсөн хугацаанд хотын асуудлуудаар бизнес хийж улсын төсвийг утаагүй зуух гэгчид зарцуулан ард түмнийг хууран мэхэлсэн үйлдэлд хариуцлага үүрүүлж, утаанаас болж хорт хавдраар өвчилсөн, эрүүл мэндээрээ хохирсон иргэд тэднээс төлбөр нэхэмжлэх шаардлага тулгарч байна.

Нийслэл хотын агаарын бохирдолд 2008-2016 онд 550 тэрбум, 2016-2020 онд 456,1 тэрбум,өнгөрсөн гурван жилийн хугацаанд мөн 456 тэрбум төгрөг зарцуулсан ба агаарын бохирдлыг бууруулах ажлын албаны зардалд гэхэд 1,2 тэрбум төгрөг урсжээ. Агаарын бохирдолд зарцуулсан улсын төсөвт хариуцлага үүрүүлдэггүй юм гэхэд нийтийн хамарсан үхлийн аюулт өвчний суурь шалтгаан болж буйг тусгайлан авч үзэж анхаарч ажиллахгүй бол Монгол Улсад ҮАБЗ, УИХ, ЗГ үүргээ умартсан хэрэг болно.

Д.ЭНХБАТ