Ил болсончлон эрх баригчдын илт оролцоотой нүүрсний хулгай нийтийн сонсгол гэх хагас драмын үйл явдлаас жинхэнэ хууль шүүхийн байгууллагын ширээн дээр хэзээ очих вэ гэдэг асуудал хурцаар хөндөгдөж байна.

Гаалийн бүртгэлгүй гадагшаа урссан олон тонн баялгийн хулгайн асуудлын цаана эрх баригч намын экс ерөнхий сайдын ойрын хамаарлыг тогтоогоод буй. Гэтэл чухам Эрүүгийн хуулийн тодорхой зүйл заалтад илтэд тохирох эдгээр үйлдлүүдийг хууль шүүхийн байгууллага тоохгүй алгасаж магадгүй нөхцөл ажиглагдаад байгаа.

Жирийн ард түмэн татвараа төлөхгүй байх эсвэл хуулийн зөрчил гаргахад төмөр нударгаар төвшрүүлэхдээ гаргуун манай шүүхийн тогтолцоо чухам эрх мэдэл нөлөөллөөрөө том тул загас харахаараа бүлх залгиж гар хөлөө хүлүүлж, нүдэн балай чихэн дүлий өнгөрөөхөөр сүүлээ тас хавчих нь элбэг

Завхралын золиос нь жирийн ард түмэнд л хүнд тусдаг. Өр өвчин эрсдэлтэй нүцгэн гараараа үзэлцэж амьдрах гэж ядах ард түмнээ улам л холгож талхих зальдаж хуурах харгис дэглэм хэдийд шударга тогтолцооны гэрэл гэгээтэй, өндийх эрх чөлөөтэй болох вэ