УИХ-ын гишүүн Б.Энх-Амгалан, Ерөнхийлөгчийн Тамгын газрын дарга асан З.Энхболд нарт холбогдох эрүүгийн хэргийн гэм буруугийн шүүх хуралдаан Сүхбаатар дүүргийн Эрүүгийн хэргийн анхан шатны шүүхэд өнөөдөр боллоо. Шүүх хуралдаанд нэр бүхий гэрч нарыг оролцуулах шийдвэр гарсан тул шүүх хурлыг ирэх оны нэгдүгээр сарын 18-ны өдрийн 09:00 цаг хүртэл хойшлуулсан байна. Үүний дараа УИХ-ын дарга асан З.Энхболд сэтгүүлчдэд мэдээлэл өглөө. Тэрбээр, “12 дугаар сарын 13-нд болсон шүүх хурлаар би яллагдагч биш шүүгдэгч болсон". Нүүрсний хэрэгт намайг холбох гэж МАН-ынхан үзээд байгаа.

Өнөөдөр болсон шүүх хурал бол нүүрсний хэрэгтэй огт хамаагүй. Б.Энх-Амгалан сайдын хувийн компанид зам барих эрх олгосон эсэх асуудал яригдаж байна. Би энэ хэрэгтэй нь ямар хамааралтайгаа мэдэхгүй, прокурорууд мэдэж байгаа байх. Би. Б.Энх-Амгалантай тийм юм ярих хэмжээний танил биш. Сая л энэ шүүх хурал дээр мэдээлэл авч байна.

Ер нь Тавантолгойн ашиг нь Монгол улсад үлдэх ёстой гэдэг 2010 оны УИХ-ын тогтоол байгаа. Гэтэл одоо энэ нүүрсний сонсгол энэ тэр нь яагаад Хятад улсад ашиг үлдээхгүй байгаа юм яахаараа зүүн тийшээ төмөр зам, авто зам тавьж байгаа юм? гэдэг ийм юм ярьдаг бүлэглэл байгаа.

Тэр бүлэглэл Б.Энх-Амгалан бид хоёрыг шүүгдэгч болгож байна. Страто компани надтай ямар ч хамааралгүйг прокурорын байгууллага 2015 оны 5 сард тогтоосон байдаг. Хамаатуулах гэж оролдож байгаа нүүрсний бүлэглэл нь Хятад руу зам тавь, Хятадад л нүүрсээ өгье гэдэг нөгөө бүлэглэл. Тэдний цуурхал. Үүнийг дахиад оруулж ирэх гэж байгаа нь Хуулийн байгууллага Хятадын нүүрсний бүлэглэлтэй хуйвалдсан байна гэж дүгнэж байна. Шүүх хурал 01-р сарын 18-нд үнэн зөвийг тогтоогоод өгнө. Ямар ч байсан З.Энхболд нүүрсний хулгайтай холбоогүй нь тодорхой боллоо." гэв.