Үндэсний аюулгүй байдлын гол цөм газар нутгийн бүрэн бүтэн байдал, аюулгүй байдал ямар байгааг нягтлан дүгнэх шаардлага үүслээ. Ж.Андерсон нэгэнтээ “Ихэнх тохиолдолд монголчууд том шийдвэр гаргахынхаа өмнө тооцоо судалгаа төдийлөн сайн хийдэггүй, эрсдэлээ тооцдоггүй. Тэгж байтал улс төрд гарсан өөрчлөлт бүх зүйлийг өөр тийш нь эргүүлчихдэг. Эрсдэлийг сайн тооцох нь Монгол Улсад зайлшгүй шаардлагатай” хэмээсэн. Энэ бол хөрөнгө оруулалтын тухай хуульд газар нутгийн аюулгүй байдалд эрсдэл учруулах заалт оруулан олон нийтийн эсэргүүцэлдээ тулгараад түр хойшлоод буй дахин дахин сэм сэм орж ирдэг ч зүсээ хувилган зүглэсээр зүтгэсээр буй Монголын тусгаар тогтнолыг үгүй хийх замаар Монголын газарт мөнхөд эзэн суухын төлөө мянганаар санаархах зарим хөршийн бодлого гэлтэй.

Түүхэн турш урвагчид байсаар ирсэн. Гэвч Улсаа бүхлээр нь худалдсан урвагчийг хэн хэчнээн өмгөөлөөд ч түүхэнд үнэн баримтаараа үлдэж жигшигдэн нулимуулдаг жамтай. Товчхондоо өөр өөр үндэстнүүд нэгнээ эзэрхийлэх гэж оролддог хандлага хэдийн ард хоцорсон ч далдуур энэ санаархал хэзээ ч устаж үгүй болохгүйг харуулж байгаа хэрэг.

Бие даасан төрийн бүтэцтэй, бүрэн эрхт байдлаа олон улсад хүлээн зөвшөөрүүлээд, түүхэн уламжлал үнэт зүйлээ ч ойлгож мэдэн, түгээн дэлгэрүүлж чаддаг болсон Монгол түмний нэн тэргүүний хүсэл зориг бол тусгаар тогтнолоо хамгаалж үлдэх ажээ. Сошиал орчинд аймгуудын ард түмэн олноороо нийлж газар нутгаа эргэх тухай бичвэрүүд хүчээ аван сэвэгдэх. Гэтэл энэ нь төртэй улсад Аюулгүйн зөвлөл нь гүйцэтгэх чухал нарийвчлал дараалалтай ажил болов уу?

Д.ЭНХБАТ