Популизм бол нэг талаасаа хэтэрвэл сэтгэцийн эмгэг шахуу юм. Ард түмэнд таалагдахаар бол юу ч хийж мэдэх улс төрчдийн галзуурал цагаан сарын босгох дээр гаарлаа. Буузаа хөлдүүгээр нь чимхэж болсон болоогүй төмөр, улаан туузаар хөөрхий малчдыг дарж алангаа алдаад. УИХ-ын дарга хүртэл хөдөө хээр ганцаараа цасан дунд цахим орчинд шууд дамжуулалт хийх. Сонгууль бол үндсэндээ шалгалт, үр дүнгийн шинжилгээ, дүгнэлт болдог. Муу байгууллага л шалгалт ирэхээр ширээнийхээ бүтээлгийг сольж шинэ халаадаа өмсөцгөөн сайн сайхны хуурамч дүр ханхлуулдаг. Манай УИХ, ЗГ ард түмэндээ гэнэт хайр зарлан хөдөө гадаа давхицгааж УИХ-ын дархан эрхээ сонгуулийн сурталчилгааны хэрэгсэл болгон эдэлцгээх. Уг нь сонгуулийн тухай хуулиараа сонгуульд нэр дэвшихээр горилогч нар элдэв хурал уулзалт золголт шагнал урамшуулал бүх зүйл хориотой. Харин энэ хориглолт УИХ-ын гишүүн ИТХ-ын төлөөлөгч нарт хамаагүй. Тэд тайлан нэртэйгээр бусдаас давуу эрх эдэлж түмнийг тархийг түм эргүүлэх бололцоотой.

Д.ЭНХБАТ