Гэнэтийн цасан шамаргаас үүдэн Монгол орон даяар цас зудын аюул нүүрлэв. Нүүдэлчин Монголчуудын ахуй, соёлыг өвлөн уламжлагч малчин түмний амьжиргаа хаврын нойтон цаснаар арчигдаж, хөөрхий малчид хэд гуравхан хоногт модоо барих аюул нүүрлэжээ. Харин цагаан сарын баярын өмнөхөн аварга малчдын шагналыг гардуулж буй нэртэй маш олон хэвлэл мэдээллийн хэрэгслээр сонгуулийн сурталчилгаа гэмээр мэдээ, мэдээлэл шторк цацаж нийгмийн сүлжээг хүртэл зориудын төлбөртэй контентоор булсан өнөөх малчдад хайртай УИХ-ын эрхэм гишүүд, сайд дарга нар хаа байна?

Цас зудын аюулыг хөөрхий АН-ын хэд гурван гишүүд л малчидтайгаа үүрэлцэхээр яваа бололтой. Засгийн газар хуралдаж шийдвэр гаргалаа гэх авч үнэндээ хөрсөн дээрээ бууж, малчны хотонд хүрч чадах дорвитой шийдэл харагдсангүй.

Бодит дэмжлэг, үр дүнтэй шийдэл чин сэтгэлээс л урган гардаг болохоос малчдыг сонгуулийн сурталчилгааны хэрэгсэл болгогчдоос хүний мөс ханхлах уу үгүй юу. Бодлогын чанартай түргэн шуурхай шийдвэр хэрэгтэй атал өөр саархан амь аргацаалтаар нүглийн нүдийг гурилаар хуурч өнгөрөөсөөр.

Д.ЭНХБАТ