Varieties of Democracy байгууллагаас Монгол Улс засаглал, улс төр, нийгмийн бүх үзүүлэлтээрээ өнгөрсөн 2023 онд 16 байраар ухарч байсан бол энэ онд дахин дөрвөн байраар ухарлаа. Өөрөөр хэлбэл, Монгол Улс ардчиллын индексээр сүүлийн хоёр жилд нийт 20 байр ухарсныг тайландаа дурджээ. 2018 оноос хойш шударга сонгуулийг үнэлдэг үзүүлэлтүүдээс ухарч авлигал албан тушаалын гэмт хэрэг өсөн нэмэгдэж, засаглал авлигач улс төрчдийн тогтоон барьдаг, ард түмнийг ядууруулж нийгэм дарангуйлалд дасах нөхцөлүүд нь ардчиллын үзүүлэлтээр арав, хорин байраар арагш давшихад хүргэв.

Шоронгийн тасгаас шууд төрийн сэнтийд заларч хууль ёс, Үндсэн хуульт төрийн дорд үздэг, төрийн эрх мэдлийг улс орноо худалдаж хувьдаа цулайх хэрэгсэл болгон ашигладаг байдлыг өөхшүүлж өршөөдөг, шударга үнэнийг ил гаргаж нийгэмд үнэний дуу хоолой болсон аливаа хэнийг ч шорон гянданд гацааж шүүх хуулийн бурангуй тогтолцоонд эргүүлдэг гэх мэтчилэн ард түмний аж амьдралыг өөд нь татаж улс орныхоо цаашдын хувь заяаг бодлогоор түрж урагшлуулах дэлхийн хөгжил дэвшилтэй хөл нийлүүлэх, үндэснийхээ дархлааг бэхжүүлэхэд тун хойрго хийгээд зөвхөн хувийн эрх ашгийн төлөө улайрагсдад түүхийн үнэн мөнөн, үр хойч ирээдүйн өсөж өндийх хөрс шороо, эх орон тусгаар тогтнолоо бүрэн бүтэн авч үлдээх чин хүсэл эрмэлзэл зориг итгэл бүү хэл өчүүхэн сэдэл байхгүйг ард түмэн ойлгож гадаадын олон улс гүрнүүд манай нийгэмд ардчиллаасаа ухарч амин хувийн ямба эрхээрээ хэн нь тусгаар тогтнолоо худалдахаар завдан буйг бэлхэн ажиглаж мэдээд тэр дагууд бэлтгэлээ базааж сошиал идэвхийллээ өөр тийш хандуулж буугаа мэдэгдэх.

Д.ЭНХБАТ