АНУ-ын Ерөнхийлөгч Жо Байдены засаг захиргаа Хятадаас импортолж буй 18 тэрбум ам.долларын үнийн дүн бүхий бараа бүтээгдэхүүнд шинээр татвар ногдуулна гэдгээ зарлалаа. Энэ оноос эхлэн Хятадаас импортолж буй автомашинд ногдуулах татварыг 25-аас 100 хувь болгон дөрөв дахин нэмэгдүүлнэ. Хятадын нарны зайн импортын татвар хоёр дахин нэмэгдэж, 25-аас 50 хувь болно.

Хятадаас импортолж буй эмнэлгийн зүү, тариур болон хөлөг онгоцноос ачаа буулгагч крануудад анх удаа татвар ногдуулах юм байна. Хятадад үйлдвэрлэсэн эмнэлгийн зориулалттай резинэн бээлий, амьсгалын аппарат, нүүрний маск зэрэгт татвар ногдуулахаар болжээ.