Цаг Уур, Орчны Шинжилгээний Газар(ЦУОШГ)-аас тавдугаар сарын 20-29-нийг хүртэлх 10 хоногийн цаг агаарын урьдчилсан төлөвийг танилцууллаа.

Тавдугаар сарын 20, 21, 26-ны өдрүүдэд ихэнх нутгаар халж, 10 хоногийн нийлбэрээр харвал нутгийн хойд хэсгээр ахиу тунадас орох төлөв ажиглагдаж байгаа аж.

Хур тунадас:

• 20-нд Хэнтийн уулархаг нутаг болон Угалз голын хөндийгөөр
• 21-нд Алтай, Хангай, Хөвсгөл, Хэнтийн уулархаг нутгаар
• 22, 24-нд нутгийн хойд хэсгээр
• 25-нд төвийн аймгуудын ихэнх нутаг, төв болон говийн нутгийн зарим газраар
• 26-нд баруун аймгуудын нутгийн зарим газар,
• 27-нд баруун аймгуудын нутгийн зүүн хэсэг, төвийн аймгуудын ихэнх нутаг, говийн нутгийн хойд хэсгээр
• 28-нд нутгийн зүүн хагаст
• 29-нд Халхголын сав газраар бороо, уулаараа нойтон цас орно.

Салхи шуурга:

• 21-нд нутгийн зарим газраар
• 22, 24-нд тал хээрийн нутгаар
• 25-нд Алтайн салбар уулс болон Арц богдын өвөр хоолойгоор
• 26, 27-нд говь, тал хээрийн нутгаар салхи секундэд 15-17 метр, зарим үед секундэд 24 метр хүрч ширүүсэж шороон шуурга шуурна.

Агаарын температур:

• 20, 21, 26-ны өдрүүдэд ихэнх нутгаар халж, Увс нуур болон Дархадын хотгор, Идэр, Тэс голын хөндийгөөр шөнөдөө -1 градусаас +4 градус байх бол өдөртөө 15-20 градус дулаан байна.

Хангай, Хөвсгөл, Хэнтийн уулархаг нутгаар шөнөдөө 1-6 градус, өдөртөө 20-25 градус дулаан байна.

Говийн бүс нутгийн өмнөд хэсгээр шөнөдөө 13-18 градус дулаан, өдөртөө 31-36 градус дулаан байх бол бусад нутгаар шөнөдөө 6-11 градус, өдөртөө 25-30 градус дулаан байна.

Улаанбаатар хот:

Хур тунадас: 23-нд бага зэргийн бороо орно. 24, 27-нд бороо орж, сэрүүснэ.

Салхи, шуурга: Ихэнх хугацаанд секундэд 6-11 метр, борооны өмнө салхи түр зуур ширүүснэ.

Агаарын температур: 20, 21, 26-нд халж, шөнөдөө 6-11 градус, өдөртөө 25-30 градус байх бол бусад хугацаанд сэрүүсэж шөнөдөө 1-6 градус, өдөртөө 18-23 градус дулаан байх юм байна.