Өсвөр насны охид нэгнээ зодож буй бичлэг олон нийтийн цахим сүлжээнд цацагдсан. Цагдаагийн байгууллагаас дээрх бичлэгийн шалгалтын ажиллагаа хийсэн байна.

Эл хэрэг 2024 оны арванхоёрдугаар сарын 3-ны өдөр Дорнод аймагт гарсан бөгөөд 14 настай эмэгтэй хүүхдийн биед 14 настай үе тэнгийн сурагчид халдан, бичлэг хийсэн болох нь тогтоожээ.

Тус аймгийн Хүүхэд хамгааллын баг дээрх асуудлын хүрээнд ажиллаж байгаа аж.

Өмнө нь буюу энэ оны хоёрдугаар сарын сүүлээр өсвөр насны охид нэгнээ зодож буй зураг, бичлэг цахим орчинд тархаж байв. Тодруулбал, нийслэлийн Баянгол дүүргийн 10-р хороонд нэгэн охиныг үе тэнгийн 3-4 охин зодож буй бичлэгийг шалгаж дүүргийн цагдаагийн хоёрдугаар хэлтэст шалгаж эхэлсэн билээ.

Цагдаагийн байгууллагаас эцэг эх, асран хамгаалагчдад хүүхдээ хаана, хэнтэй яваад анхаарлаа хандуулж, сэрэмжтэй байхыг анхааруулж байна.

Б.ЖАРГАЛ