Шинийн 1-15-ны өдрүүдэд Монголын Бурханы Шашинтны Төв Гандантэгчэнлин хийд их ерөөл айлдах аж. Мөн Гандантэгчинлэн хийдийн Тэргүүн Хамба лам Д.Жавзандорж шинийн 8-ны өдөр олон нийтэд зориулан айлдвар айлдах юм. Айлдвар хоёр хэсгээс бүрдэнэ. Эхэнд бурхан багшийн намтар, цадиг айлдах бол дараа нь, насны авшиг хүртээнэ. Насны авшиг хүртсэнээр нас уртасна гэж үздэг.

Түүнчлэн гуравдугаар сарын 16-ны өдөр Гандантэгчэнлин хийдийн дэд хамба лам, гавж С.Гантөмөр номын айлдвар айлдах юм. Энэ өдөр дэд хамба “Билгүүний зүрхэн судар” гэдэг номыг тайлбарлана. Энэ ном нь Бурхан багшийн айлдсан сургууль номын гол охь шим болох хоосон чанарыг тайлбарлаж буй ном юм. Мөн сар шинийн өдрүүдэд Гандантэгчэнлин хийдэд шинийн 1-15-ныг хүртэл өдөр бүр үдээс хойш 14:00 цагаас цагаан сарын хурал ном хурна.