УИХ-ын чуулганы пүрэв гаргийн нэгдсэн хуралдаан үргэлжилж байна. Хуралдаанаар Монгол Улсын Ерөнхий прокурорын албан тушаалд Банзрагчийн Жаргалсайханыг томилох асуудлыг Улсын Их Хуралтай зөвшилцөхөөр ирүүлсэн Ерөнхийлөгчийн саналыг хэлэлцэж буй юм. Хэлэлцэж буй асуудалтай холбогдуулан гишүүд асуулт асууж, үг хэлж, хариулт авч байна.

Улсын ерөнхий прокурор Б.Жаргалсайхан хэлэхдээ "Байгууллагын, хувь хүний итгэл үнэмшил гэж байдаг. Нэгд, хувь хүний итгэл үнэмшил дүүрэн байгаагаа би хэлсэн. Хоёрдугаарт, ерөнхий прокурорын хувьд, прокурорын байгууллагыг толгойлж байгаагийн хувьд.

Энэ байгууллагад ажиллаж байгаа хүмүүсийн итгэл үнэмшил ямар байх вэ гэдэг ерөнхий прокуророос их шалтгаалдаг юм. Тийм учраас энэ итгэл үнэмшлийг төрүүлэхүйц, бие даасан хараат бус байдлыг хангах чиглэлээр тодорхой ажлууд хийсэн. Манай байгууллагад ажиллаж байгаа прокуроруудын итгэл үнэмшил баттай байгаа гэж боддог юм.

Прокурорын байгууллага 2023-2026 онд баримтлах стратеги төлөлвлөгөөгөө боловсруулсан. Энэ төлөвлөгөөнд бие даасан, хараат бус байдлыг бий болгох, прокурорын хяналтыг боловсронгуй болгох, цахимжуулах зэрэг чиглэлүүдийг оруулсан. Дүгнээд үзэхэд, хөтөлбөрийн биелэлт 73.3 хувьтай байна. Энэ хөтөлбөрийн дагуу бид цаашдаа олон зүйлийг хийх шаардлага үүсч байгаа юм" гэв.

Б.ЖАРГАЛ