Боловсролын зээлийн сангийн Ажлын албаны дарга О.Сийлэгмаад эрүүгийн хэрэг нээн, шалгаж байгаа аж. Тодруулбал, тус сангийн гадаад зээл хариуцсан мэргэжилтэн Б.Оюундэлгэр түүний эсрэг цагдаагийн байгууллагад гомдол гаргасан байна.

Тэрбээр гомдолдоо “Сүхбаатар дүүргийн I хорооны нутаг дэвсгэр дэх “Сав плаза” оффис дахь ажлын байрандаа О.Сийлэгмаад зодуулсан” хэмээн дурджээ.

Ажилтнуудынх нь өгсөн гомдлын дагуу Сүхбаатар дүүргийн Цагдаагийн газрын I хэлтэст хэрэг нээн шалгаж эхэлсэн бөгөөд чухам юунаас болж бусдад гар хүрснийг нь нарийвчлан тогтоохоор ажиллаж байгаа аж.

Албан бус эх сурвалжуудын мэдээлж буйгаар О.Сийлэгмаа нь Б.Оюундэлгэрийг ажлаа өгөхийг шаардан дарамталж, зодож цохисон байна.

Б.ЖАРГАЛ